Misy mpivaly rezay mamaky ani-tantaram-piaina rey saky maray, le zao ty nivolanin-drozy: “Tena mampahery anay ty mamaky ani-lahatsoratsy rey sady mahavy anay ho falifaly! Hitanay baka amy raha rey hoe afaky tsy hivaliky koa zahay ndre ino ino ty raha sarotsy atrehinay.” Mbo mitovy amy zay koa ty raha tsapani-anabavy raiky zay. Nivola ie hoe: “Mampahery tantaram-piaina rey, mandrisiky an-tena hanao raha, sady mampihetsi-po. Tena misy dikany ty fiainani-ranadahy noho rahavavintsika rey sady tena mana raha kendrè rozy. Mandrisiky ahy hanao ze fara heriko amy fanompoa ty tantaran-drozy sady manampy ahy hampirisiky ani-anako reo hanompo manontolo andro.”

Afaky mandrisiky anao hanao ze fara herinao amy fanompoa ani-Jehovah tantaram-piaina rey, afaky manampy anao handresy ty handranao, sady afaky manampy anao ho falifaly noho hanao raha mety avao ndre ino ino ty raha sarotsy atrehinao. Aia ty hahitanao ani-tantaram-piaina rey?

• Henteo amy jw.org na amy JW Library® ty lahatsoratsy mitohitohy hoe “Fitantarana Momba ny Vavolombelon’i Jehovah.”

• Ilao amy FITEHIRIZAM-BOKIN’NY Vavolombelon’i Jehovah na amy Watchtower Library ty hoe “Fitantarana Momba ny Vavolombelon’i Jehovah.”