Wan baaa ku hën mujëë lo’ u lesi dee woto u dee baaa ku dee sisa fuu hiniwan mamate. De bi taki taa: „Dee woto aki bi da u taanga seei, söseei de bi heepi u fuu ta dë waiwai! De bi heepi u fuu ta hoi a pakisei taa useei sa hoi useei a Jehovah tu, aluwasi fa soni ta miti u.” Wan woto sisa seei bi ko si di soni dë tu. A bi taki taa: „Dee woto dë ta da i kötöhati, de ta da i taanga, söseei de ta dou i hati. Dee baaa ku dee sisa fuu ta du sömëni bumbuu soni ku di libi u de. Dee woto u de ta da mi taanga u mi ta du di peleikiwooko möön gaanfa, söseei de ta heepi mi u mi da dee mii u mi taanga u de du di hii-ten diniwooko.”

Dee woto u dee baaa ku dee sisa fuu sa da i taanga fii kë du möön soni da Jehovah, fii ko ta du soni a wan möön bunu fasi, söseei fii sa hoi dou ku piizii te tesi ta miti i. Unfa i sa du feni dee woto dë?

• Suku „woto u wan sëmbë” a di Watchtower ONLINE LIBRARY, a di Watchtower Library, nasö a jw.org.