Bay ba wu’ i mabgol ni yow ma beeg taareb e article ni murung’agen reb e walag ni gubin e kadbul ni lungurow: “Pi article ney e ma pi’ e athamgil nga lanin’mow ma ri ku ma yibnag e felfelan’ ngomow! Ma puguran ngomow ni ku rayog ni nggu parew ni gamow ba yul’yul’ u fithik’ urngin mit e magawon ni ke yib ngomow.” Reb e walag nib pin ni ku aray rogon e lem rok e yoloy ni gaar: “Pi article ney e ma fal’eg lanin’ug, me pi’ e athamgil ngog, me yibnag e felfelan’ ngog. Pi walag ney e boor ban’en ni ur rin’ed u lan e yafos rorad ni bay angin, ma be k’aringeg ni nggu yoornag e tin gu be rin’ ni fan ko machib, mug pi’ e athamgil nga laniyan’ pi fakag ni ngar pigpiggad ngak Jehovah u polo’ e tayim rorad.”

Rayog ni nge k’aringem e pi article u murung’agen boch e walag ni ngam guy rogon ni ngam yoornag e tin ga be rin’ ni fan ko pigpig rom ngak Jehovah, mag gel ko pi meewar rom, mu kum athamgil u fithik’ boch e skeng nrib mo’maw’ ndabi chuw e felfelan’ rom maku dab mu lemnag ndariy fam. Uw rogon ni ngam pirieg e pi article ney?

• Mman ko LIBRARY U ONLINE ni Fan ko Wulyang ko Damit ara jw.org mag gay fare thin ni “murung’agen be’.”