1. Tae-i ǃaroma du Elobmîs ǃgao a ganganxa?

 JEHOVA Eloba da ge kaise ra gangan, Elobmîs ǃaroma. Elobmîs ǃnâ-ūb ge ǁîba gā-ai ǀapemāde ra māda. Î da ǃgomsina nētsē ǃgâi ǀgaub ǃnâ sîsenǂam ǁkhā. ǁÎb ge hānîǁaeb xas tsîna buruxa ǃâubasensa ra māda. Xawe ǂhâǂhâsaseb ge Jehovaba Elobmîsa ra sîsenū, îb ǁîb di ǀgaugu xa ǂanǂan da. Tsî da ga ǁîb di îsa ǀgaugu xa ga ǂâi o, os ge nēsa sida ǂgaoga ra tsâǀkhā tsî ra ǂkhâǃnâ da. Î da Elob ǃoa ǀgū tsî ǁîb ǀkha ǃgâi ǀhōsagusisa ūhâ.—Psa. 25:14.

2. Jehovaba mâǀgaub ǃnâ khoen ai gere ǂanǂansen?

² Jehovab ge ǂhâba hâ în khoena ǁîba ǂan. ǃKharu ge ǁaeb ǃnâb ge ǁîba ǁhapodi, kēbodi tsî ǀhomǃgāgu ǃnâ-ū gere ǂanǂansen. (Num. 12:6; ǃNǃkh. 10:3, 4) Nē ǁhapodi, kēbodi tsî ǀhomǃgāgu ǃnâ-ū gere māhe haisi-amde da ge a ǁkhāǁkhāsen ǁoa, xoamâihe tama i ka io. ǁNās ǀkhab ge Jehovaba sida nî ǂansab ǂhâba hâ xūna, khoega ge “xoamâi” kai ǁîb ǂkhanis ǃnâ. (Jer. 30:2) Jehova “Elob ra dīn ge a dīǀoaǀoasa.” ǁNās ǃaroma da ge ǂgomǃgâsiba a ūhâ ǁkhā, ǁîb sida ǀkha ra ǃhoa ǀgaub kaise a ǂoaǂamsasa. Tsî î sida ǃgâib ǃgao ǀgui hâsa.—Psa. 18:30.

3. Jehovaba tae-e ge dī is Elobmîsa sâuhe ǁkhā? (Jesajab 40:8)

³ Khomai re Jesajab 40:8 sa. Elobmîs ge gā-ai daoǁgaude ǂgomǂgomsa aogu tsî taradi tsîna ǂgui kuriga ra mā. Nēsa mati a īǁkhā? ǂAn da ases ge Elobmîsa ǂgui kuriga ǃkharu hâse skrolgu ai ge xoahe hâ i. Tsî î ge nētsē ǁnā, skrolga a hō-e ǁoa. Xawe hâs ge Jehovab ge ge īǁkhā kai, în khoena ǁnā skrolga xu ǂōrisase xoaǁnâ. Nē khoen ge ǀoasa kurusa ūhâ tama hâ i xawen ge ǂōrisase nēsa gere  dī. Hebre Xoadi xab ge ǀnî ôaǃnâ-aoba ra mî: “ǂAn da ge a ǀnî hâ ǀoro ǂkhani-i, Elobmîs ge xoaǁnâhe khami xoaǁnâhe hō tama hâsa.” ǁNās ǀkha ǁaeba ǃkharu tsî î ge ǀōro ǁkhā a ǂkhanidi ai ge xoahe. Tsî ǀoasa kurusa ūhâ tama hâ khoen xas tsîna a xoaǁnâhe. Xawe da ge ǂgomǃgâsiba a ūhâ ǁkhā, Elobmîs di Xoa-aob Jehovab di ǂâide da noxoba Elobmîs ǃnâ nētsē a khomai ǁkhāsa.

4. Tae-e da nē ǁkhāǁkhāǃâs ǃnâ nî ǃhoaǃgao?

⁴ Jehovab ge a ǃGaoǃgao, “mâ ǃgâi tsî dīǀoaǀoasa mās” dība. (Jak. 1:17) Elobmîs ge Jehovab ge māda kai ǀkhaegu di ǀguisa. Khoe-i ga ǀkhaexū-e māda, o da ge ǁî-i xa xū-e ra ǁkhāǁkhāsen. Aiǁgause, matikōse i sida tsî ǂhâsigu hîna da ūhâ gu tsîna a ǂansa. ǁNās ge Elobmîs di mā-aob ǀkha a ǀgui. Nē ǀkhaeba da ga ôaǃnâ, o da ge ǂgui xūna Jehovab xa ra ǁkhāǁkhāsen. Tsî da ge ra ǁkhāǁkhāsen ǁîb matikōse ǃgâise sida tsî sida ǂhâsigu tsîna a ǂansa. Nē ǁkhāǁkhāǃâs ǃnâ da ge, Elobmîs mati Jehovab di 3 ǀgaugu hîna ra māǂoaga ra ǁguiǃā ǀgauba nî ǁkhāǁkhāsen: ǁÎb gā-asib, ǂhanu-aisib tsî ǀnammi tsîna. ǂGurose da ge nî ǃhoaǃgao, Elobmîs mati Jehovab gā-aisiba ra ǁguiǃāsa.

5. Mâ ǀgaub ǃnâ da Elob di gā-aisiba Elobmîs ǃnâ ra mû?

⁵ Jehovab ge a ǂan ǁîb di gā-ai ǀapemāsa da ǂhâhâsa. ǁÎb ge māda Elobmîs ge ǁîb di gā-aisib xa ǀoa hâ. Tsî Elobmîs di ǀapemādi ge ǂgui khoen ai ǃgâi sîsenǂuiba ūhâ. Elobmîs ge ûiga ra dawa. Elobmîs di ǂguro ǂkhanidi ge xoahe, ob ge Moseba Israelǁaesa ge mîba: “Nēdi ge ǁau mî tamade, xawe a sadu di ûi.” (Deu. 32:47) Nē xoade ge ǁnâuǀnam khoen ge ǃgâiǃgâb tsî ǃgâiaǂgaob tsîna ǁîn ûigu ǃnâ ge ūhâ i. (Psa. 1:2, 3) Elobmîs ge ǂgui kuriga ǃkharu hâse a xoahe xawes ge nēsi noxoba ǀgaiba ūhâ khoen ûiga dawasa. Aiǁgause, jw.orgs ai du ga “Elobmîs ge ûiga ra dawa” di hâ ǃâb tawa a sī o. O du ge 50 xa a ǃnāsa aiǁgaudi, khoen ûigu xa hâde nî khomai. Hîna ra ǁgaude Elobmîs ‘ǂgom hâdu ǃnâ ra sîsensa.’—1Tes. 2:13.

6. Tae-i ǃaromas Elobmîsa nau ǂkhanide xu a ǀkhara?

⁶ Elobmîs khami ī, ǀnî hâ ǂkhani î ge a ǀkhai. Tae-i ǃaroma da di a mî ǁkhā? Jehovab hîna a ǁnā ǂkhanis di Xoa-aob ge a hoaǀgaixa tsî ǀamosib kōse ra hâhâ. Tsîb ge hoa khoesib hîna ǃhūbaib ai hân xa a gā-ai. Nau ǂkhanidi xa da a ǂans ge, ǁîdi xoa-aon ga ǁō xawe î ge noxoba ǁnā ǂkhanîde ra khomaihe. Tsî hâ as ge ǁnā ǂkhanîdi ǃnâ xoahe hâ ǀapemādi ǁaeb ra ī khami sîsenūhe tama hâsa. Xawe Elobmîs ǃnâ hâ ǀapemādi ge, hoaǁae ra sîsen. Tsî kuriba xu kurib ǀkha khoen xa ra sîsenūhe. ǁNā ǃanu ǂkhanisa da khomai tsî khomai da go xūna ra ǂâiǃnâ khamib ge ǁîs di Xoa-aoba. ǁÎb ǃanu gagab ǀkha ra hui da mûsa mati da Elobmîs ǀapemāde sida ûib ǃnâ a sîsenū ǁkhāsa. (Psa. 119:27; Mal. 3:16; Heb. 4:12) Amase Elobmîs di Xoa-aob ge ra tura sado huisa. Nēs ge Elobmîs khomai ǂgaos di turaba sada ǃnâ nî omkhâi.

7. Elobmîsa mati ǃkharu ge ǁaeb ǃnâ Elob khoena ge ǀguiǃnâxa kai?

⁷ ǀNî hâ xū-i tsîn ge ra ǁgau, Elobmîs Elob gā-aisiba ūhâsa. Tsîs ǁîsa Elob khoena ra huisa în ǀguiǃnâxa. Israelǁaes ge mîmâisa ǃhūb ǃnâ a ǂgâ, on ge ǃkharagaǃnâgu ǃnādi ǃnâ ge ǁan. ǀNîn ge ge ǁauǃkhō-ao, ǂgāri-ao tsî ge ǃhanaǂgā-ao kai. Israelǁaes ge ǃkharagaǃnâgu ǃnādi  ǃnân gere ǁans xa ǃaromahe hâse ge ǁae-ū gu ǀû ǁkhā ī. Xaweb ge Jehovaba ge ǀapeǁgui îs Israelǁaesa ǁaeba xu ǁaeb ǀkha ǀhao. Tsî ǁîb mîsa khomaibahe tsî ǁguiǃābahe ǁkhā. (Deu. 31:10-13; Neh. 8:2, 8, 18) Mûnan-ai re ǂgomǂgomsa Israelǁaes khoe-i gere tsâ ǀgauba, Jerusalems ǃnâ sī tsî î ge ǂgomǂgomsa Jehovab di ǃoaba-ao-e gere mû o. Nē ǀgaub ǃnâb ge Jehovaba ǁîb khoena gere hui în ǀguiǃnâxase hâ. Tsî ēga ge Xristeǁî ǀhaohâb ǃnâ ǂanhe î khoen ge, aogu tsî taradi hîna ge ǃkharagagu gowaga gere ǃhoana. Tsî ǀnîn ge ǂhâǂhâsa khoen ase ge ǂanhe i tsî nauna ǃgamǃgamsenxa khoen ase. Tsîn ge ǀnîna ge ǃkhū hâ i tsî nauna ge ǀgâsā i. Xawen ge Xoasa ǀnammi i ǃkhais ǃaroman ge Eloba ǃoabas ǃnâ ge ǀguiǃnâxa ī. ǂGomsabe kai gen ge, Elobmîsa naun ǀkha ǀguiba ǃoaba ǀhaos ǃnâ-ū ǀgui ge ǁnâuǃā ǁkhā ī.—ǃNǃkh. 2:42; 8:30, 31.

8. Elobmîsa mati Jehovab di khoena nētsē ra ǀguiǃnâxa kai?

⁸ Gā-ai Elob aseb ge Jehovaba ra aiǃgû ǁîb khoena ǁkhāǁkhā tsî ǀguiǃnâxa kaisa Elobmîs ǃnâ-ū. Elobmîs ge Jehovab xa da ra ǂan ǂgao amab hoaba ūhâ. Mâ wekheb hoaba da ge ǀhaohâb ǀhaode ūhâ. Tsî da ge mâ kurib hoaba ǂHaris kai ǀhaodi tsî ǀKharib kai ǀhaodi tsîna ūhâ. ǁNāpa da ge xoade khomai, ǁguiǃābahe tsî ra ǃhoaǃgao. Elobmîs ge kaise a ǂhâǂhâsa  ǃâ hîna Jehovab ǃoaba-aona ra huisa în ǁîba “ǀguiǃnâxase ǃoaba.”—Sef. 3:9.

9. Mâ ǀgauba da ǂhâhâ î da Elobmîsa ǁnâuǃā? (Lukab 10:21)

⁹ ǀNî xū-i hîna Jehovab di gā-aisiba ra ǁgau-e ǃgaoǃgâ re. Xoas di ǃâgab ge ge xoa kai î-i ǃgamǃgamsenxa khomai-aon xa ǀgui ǁnâuǃāhe ǁkhā. (Khomai re Lukab 10:21 sa.) Hoa khoen ge Elobmîsa ra khomai. ǀNî Elobmîs di ôaǃnâ-aob ge ra mî: “ǂGui khoen ge Elobmîsa ra khomai, ǀnî hâ ǂkhanidi xa. Tsîn ge nau ǂkhanidi xa ǁîsa ǂōrisase ra khomai.” Xawe ǃgamǃgamsenxa khoen ǀguin ge ǁîsa ǁnâuǃā tsî khomain ra xūna a sîsenǂui ǁkhā.—2Kor. 3:15, 16.

10. Mâ ǀgaub ǃnâs tsînas Elobmîsa Jehovab di gā-aisiba ra ǁgau?

¹⁰ ǀNî ǀgaub ǃnâs tsîna da ge Jehovab di gā-aisiba Elobmîs ǃnâ ra ǁkhāǁkhāsen. Jehovab ge Xoade sîsenū tama hâ, îb groeps ǃnâ ǀguiba ǁkhāǁkhāda. Xaweb ge ǁîba mâ khoe-i hoa-e daoǁgau tsî ra ǁkhaeǂgao. Jehovab mîsa da ga khomai, o da ge ra hōǃâ ǁîb mâ khoe-i hoa-i ǀkha ǁae hâsa. (Jes. 30:21) ǃGomsi-e du ge hōǃâ ǁaeb ai du ge xoasa khomai tsî ǂâi tama hâ i nēs ge tida ǃaroma ǀgui xoahe hâ? Xawe Elobmîs ge ge xoahe îs ǂgui khoen xa ǁnâuǃāhe ǁkhā. Elobmîs ge amase sadu ǂhâsib ǃoagu hâ xūna ǃkhōǂgā hâ. Nēs ge amase Elobmîs Xoa-aob a gā-ai amaga ǀgui a īǁkhā.—2Tim. 3:16, 17.

11. Eloba mati ge ǁgau ǀgoraheb ūhâ tama hâsa Elobmîs gere xoahe o?

¹¹ Elobmîs ge ra ǁgau Jehovab a ǂhanu-aisa. (Deu. 32:4) ǂHanu-aisib tsî ǀgorasa ūhâ tama is tsîn ge ǀguiba ra sîsenǀhao. Tsîb ge Jehovaba ǀgora-e ūhâ tama hâ. (ǃNǃkh. 10:34, 35; Rom. 2:11) ǁÎb ǀgorasa ūhâ tama hâsa da ge ǃamkuse ra mû, Elobmîs ge khoen ge ǁnā ǁaeb ai gere ǁnâuǃā gowab ǃnâ xoahe hâ i amaga. Elobmîs di ǂguro 39 ǂkhanidi ge Hebregowab ǃnâ ge xoahe. Hîna ge Elob khoen xa ǁnā ǁaeb ai gere ǁnâuǃāheba. Xawe Jesub ǃnaes khaoǃgâ î ge Grikegowaba gere sîsenūhe. ǁNās ǃaroma î ge nau 27 ǂkhanide ǃnāsase ǁnā gowab ǃnâ ge xoahe. Jehovab ge ge mîǁgui tama hâ i, îs ǁîb mîsa ǀgui gowab ǃnâ ǀgui xoahe. Xawe nētsē î ge ǁaubexa 8 biliun khoena ǃhūbaib ǂhawase ǃkharagagu gowaga ra ǃhoa. ǁNātikō ǂgui khoena mati Jehovab xa a ǁkhāǁkhāsen ǁkhā?

12. Danieli 12:4 sa mati ǀuniga tsēdi ǃnâ ra dīǀoaǀoahe?

¹² Kēbo-aob Danieli ǃnâ-ūb ge Jehovaba ge mîmâi, ǀuniga tsēdi ǃnâs Elobmîs ǃnâ ra hō-e “ǂansa nî ǀarosen.” Hîna ǂguin xa nî ǁnâuǃāhesa. (Khomai re Danieli 12:4 sa.) ǀGui ǀgaub hînan ǂguina nē amaba ra ǁnâuǃās ge Elobmîs tsî Elobmîs ai ǃgaoǃgaosa ǂkhanin ǂnûiǃkhunihe, ǁgâihe tsî ra māǂuihe amaga. ǃHūbaib ǂhawases ge Elobmîs ǀguisa ǃnāsase ǂnûiǃkhunihe tsî māǂuihe hâ. ǀGapiǁamaxū ǃkhaidi ra ǂnûiǃkhuni Elobmîdi ge kaise ǀgapise ra ǂan. Jehovab di ǃoaba-aon ge Elobmîsa ǀoasase tamas ka io ǃkharese ǂnûiǃkhuni hâ. Nēs ge 240 xa a ǃnāsa gowagu ǃnâ. Tsîn ge nēsa marioǃnâse ra māǂui. Tsî nēs di ǀamǂoas ge ge ǃaroma în hoa khoena, ǃhūbaib ǂhawase ǀams nî hās aiǃâ ‘ǃgâiǂhôas gaosib disa’ ǁnâu. (Mat. 24:14) ǂHanu-aisib di Elob aseb ge Jehovaba mâ khoe-i hoa-e ǃēsa ra mā, în ǁîb mîsa khomai tsî ǁîb xa ǂan. Nēsab ge hoadab a ǀnam ǃkhais ǃaroma ra dī.

13. Tae-i ǃaroma da a mî ǁkhā, Elobmîs Jehovab ǀnamma ra ǁgausa? (Johaneb 21:25)

¹³ Elobmîs ge ra hui da, ǁnâuǃāsa Jehovab di mâǂoa ra ǀgaub a ǀnammsa. (1Jhn. 4:8) Jehovab ge tae-e Elobmîs ǃnâ a xoa kais tsî a ǁnāxūǂuis tsîna ôaǃnâ re. ǁÎb ǀkha ǀhōsagusisa ūhâs ǃaroma da ǂhâhâ xūnab ge ge māda. Tsî da nēsi ǂkhîsa ûiba a ūhâ ǁkhā ǀgaub tsî mati da ǀamo ûiba a hō ǁkhā ǀgaub tsîna. Xawe ǀnamdab a ǃkhais ǃaromab ge Jehovaba, sida ǁnâuǃāb xa a kai xuna ge māda tama hâ i.—Khomai re Johaneb 21:25 sa.

14. Mâ ǀgaub ǃnâs tsînas Elobmîsa ra ǁgau Elob a ǀnamdasa?

¹⁴ Jehovab ge ǀnamma ge ǁgauda sida ǀkhab ra ǃhoa ǀgaub ǃnâ. Tsî Elobmîs ǃnâb ge ǁgaragu xa ǀoa hâ ǂkhaniba māda tama hâ. Hîna ra mîba daba tae-e da nî dīs tsî tae-e da a dīǁoasa sida di tsēkorobe ûib ǃnâ. Xaweb ge ama ûib ǃnâ ge ī xūn, kēbodi tsî hoaǃnâ-aixa ǀapemādi tsîna ra sîsenū î da ǃgâi mîǁguiga dī ǁkhā. Nē ǀgaub ǃnâs ge Elobmîsa ra ǂkhâǃnâ da, î da ǁîba ǀnam tsî ǂgaoba xu ǁnâuǀnam.

15. (a) Elobmîsa mati ra ǁgau Jehovab ǁîb Mîsa ra khomai khoen ǀkha ǁae hâsa? (b) Mâ Elobmîs khoe-i xan ai-īsib ǃnâ hâ ǀgôaros, ǂkham ǃgâsab tsî kaira ǃgâsas tsîna ra ǂâiǃgâ? (Gen. 39:1, 10-12; 2Gao. 5:1-3; Luk. 2:25-38)

¹⁵ Elobmîs ge ra ǁgau, Jehovab sida ǃnâ ǃgâiǃgâibasensa ūhâsa. Nēsa da mati ra mû? Khoesi tsâsiga ra ǁgau ǃnaeǃkhaidi xa da ge Elobmîs ǃnâ ra khomai. Elobmîs ǃnâ ge hâ i ‘khoen di tsâsiga’ da ge ra ǁnâuǃā, ǁîn ge sada khami khoe-i amaga. (Jak. 5:17) Xawe ǂhâǂhâsase da ga ǃgaoǃgâ o, matib ge sada khami khoe-i ǀkha gere  hâ ǀgauba. Os ge ǁnāsa ra hui da, î da ǁnâuǃā Jehovab “tsâbaǁhaos tsî ǀkhomxasib xa ǀoa hâ” ǃkhaisa.—Jak. 5:11.

16. Khoen hîna ge a tsūdīn xa da ga Elobmîs ǃnâ a khomai, o da tae-e Jehovab xa ra ǁkhāǁkhāsen? (Jesajab 55:7)

¹⁶ Elobmîs ge ǀnî hâ ǀgaub ǃnâ Jehovab ǀnamma ra ǁgau da. Xoadi ge ǂgomǃgâsiba ra māda tsūdī da ga, ob Jehovaba ǁnāxuǃnâ da tidesa. ǃNās hoasas ge Israelǁaesa Jehovab ǃoagu gere ǁore. Xaweb ge ǁîba ǁîn gere ǃhausen, o gere ǀûban nî. (Khomai re Jesajab 55:7 sa.) ǂGurokham ǁaeb Xristeǁîn tsîn ge ge ǂan i, Elob ǁîna kaise a ǀnamsa. Apostel Paulub ge daoǁgaus ǃnāga Xristeǁîna ge ǂkhâǃnâ, în ǃhausen ge tsūdī-aoba “ǀûba tsî. . . ǁkhaeǂgao.” (2Kor. 2:6, 7; 1Kor. 5:1-5) Kaise î ge a ǂoaǂamsa ǁkhāǁkhāsensa, Jehovab ǁîb ǃoaba-aona tsūdīn go ǃkhais ǃaroma ǂhābe tama hâsa. Xaweb ge ǁîba ǀnamxaǃnâ ǀgaub ǃnâ ǁîna ra hui. În ǀkharaǀkharana dī tsî ǁîb ǀkha ǀhōsagusisa ǁkhawa ūhâ. Jehovab ge nēsa nētsēs tsînab nî dīsa ra mîmâi ǃhausen ra khoen ǃoagu.—Jak. 4:8-10.

17. Elobmîsa tae-i ǃaroma a ǀō-aisa ǀkhae?

¹⁷ Jehovab ge ǃgâi ǀkhaeba ge māda. ǁÎb mîsa tae-i ǃaroma a ǀō-aisa? Elobmîs ǃnâ da ge go ǁkhāǁkhāsen Elob a gā-ai, ǂhanu-ai tsî kaise a ǀnamdasa. Nē ǂkhanis ge ra ǁgau, Jehovab ra ǂhâbasa î da ǁîba ǂan. ǁÎb ge ǂhâba hâ, î da ǁîb ǀhōsa kai.

18. Mati da a ǁgau ǁkhā Jehovab ‘ǃgâi ǀkhaeb’ Elobmîs diba da ra ǃgôaǃgâsa?

¹⁸ ǀUru ǂgao tama da ge hâ, Elobmîs a ‘ǃgâi ǀkhaesa.’ (Jak. 1:17) ǁNās ǀkha da ge nēs ǃaroma ǃgôaǃgâsiba nî ǁgau ǀgara. Tsî da ge ǁîb mîsa da ga khomai ǁaeb ai, ǀgore tsî nî ǂâiǃgâ khomai da ra xūna. Nēsa da ga dī o da ge ǂgomǃgâsiba ǁîs Xoa-aob ǃnâ nî ūhâ, ǁÎb sida ǁgūtsâde nî ǀkhaesa. Tsî da ge “Elob di ǂansa nî hōbasen.”—ǂKhm. 2:5.