1. Ke ntaba Bhayibele re yi leboga re sa fetsi?

 PHELA re ro fawa barena ka taba la gore Jehova Modimo o re neyye Bhayibele! Ka ho Bhayibeleng o re neya tsa go re yetetsa tsa gore di ka re gelepa gore re phomolele mo re kene re kikirisana le dintshitshire lekgono. Fote o re tshepisa tsa gabutši ku mahlong. Sa go napa se ro tikisa pelo ke gore Jehova o berekisiye Bhayibele gore a thogo re wunyullela tsa go tlala ka mekgwa ya yenemong. Mo re kene re ghayela ka mekgwa yage ya go bafala, dipelo tsa rune di ya thibitha fote re fo kwa di re tšhofa gore re nyake go ba banghana bage ba bagolo.—Pis. 25:14.

2. Ke mekgwa yifeng ya go sa tshwane ya gore Jehova o berekisiye yona gore a thogo tšibega bathong?

² Jehova o nyaka gore batho ba mo tšibe. Ku botala, ke mo a berekisa meloro, memmono le mangeloyi gore a thogo tšibega. (Dip. 12:6; Meber. 10:3, 4) Mara mola go se ka taba la gore meloro yone, memmono le melayetsa ya go tšwa ga mangeloyi ba yi ngwadiye fase ne re ko yi tšibela kaye barena? Di napa di ro kwagala ka matla gore ke ntaba Jehova a šinya a berekisa batho gore ba “ngwale ka pukung” tso a nyakang gore re di tšibe. (Jer. 30:2) Ka taba la gore “tsela ya Modimo wa mannete yi felegelele,” a re kamake gore mokgwa wowa wa gore a thogo bolabodisana le rune ke mong wona-wona fote wo nyoko re berekela.—Pis. 18:30.

3. King so Jehova a se makiyeng gore Bhayibele yi krayege le lekgono lowa? (Jesaya 40:8)

³ Bala Jesaya 40:8. Ke mong botalatala Lentsu la Modimo le kene le ba yetetsa ka tsa gabutši banna le basadi ba go tshepega. Tsotsone di yye dya makega ka mokgo mang? Phela Mangwalo ya ba ma ngwadiyeng ku botala ba ma ngwalele ga dilo tsa gore di ya hlagala, byalo dilo tsone ba ngwaleleng ga tsona a di sa krayega lekgono. Mara Jehova o makiye gore batho ba kopolle Mangwalo ya go hlawolega. Batho bo ne ba kopolla ke mo ba sa yenela mara ne ba dula ba ntshiye maahlo dikwakweng. Mo re beyisa, morene mongwana wa go tšhutega mo a bolabola ka Mangwalo ya Seheberu o ngwadiye  gore: “A re kamake gore a go na puku ye nngwana ya botala ya gore ba yi kopolliye gabutši go tshwana le yowa.” Byalo, le mo yi le gore Bhayibele ba yi ngwalele ga dilo tsa gore dya bola fote le batho bo ne ba yi kopolla ne ba sa yenela, a re kamake gore mantsu ya re ma balang ka ho Bhayibeleng lekgono ke ya Ye a ma Ngwadiyeng go leng Jehova.

4. Re nyoko petapeta ka ying ga hlogotaba yowa?

⁴ Jehova o re neya “dilo ka mokana ga tsona tsa gore di gabutši le tsa gore di felegelele.” (Jak. 1:17) Bhayibele ke se sengwana sa gabutši so Jehova a re neyyeng sona. Mo motho a re neya se sengwana, selo sone a re neyang sona se napa se šupetsa ka mokgo motho yene a re tšibang ka gona fote o tšiba le tso re di hlokang. Go fo ba ka mokgonone le ka ye a re Neyyeng Bhayibele. Mo re bala Bhayibele, re tšhuta tsa go tlala ka Jehova. Re tšhuta gore o re tšiba go segela kaye le tso re di hlokang. Ga hlogotaba yowa, re nyoko petapeta ka mokgo Bhayibele yi šupetsang kararo ya mekgwa ya Jehova ya gabutši go leng go hlalefa, go loka le go nyakanana. Tla re thomiseneng ka go lebelela ka mokgo Bhayibele yi šupetsang gore Modimo o hlalefiye.

5. Re bona ka ying gore Bhayibele yi šupetsa gore Modimo o hlalefiye?

⁵ Jehova wa di tšiba gore re ya ma hloka mayele yage. O re neyye Bhayibele ya gore yi tlele ka tsa go hlalefa tsa go tšwa gage. Mayele ya Bhayibele ma gelepiye batho ba go tlala ka matla. Bhayibele yi tšhentšha maphelo. Mo Moše a ngwala dipuku tsa mathomo tsa Bhayibele o butsiye Maisrayele gore: “Mantsu yawa a yi ya go kgana mara ma rela lephelo ga lune.” (Dot. 32:47) Bo ba yyeng ba theetsela Mangwalo yane ne ba nyoko phomelela fote ba tikwise ka lephelo. (Pis. 1:2, 3) Le mo yi le gore Lentsu la Modimo ba le ngwadiye botala, le sa na le matšhika ya go maka gore maphelo ya batho ma kawonege. Mo re beyisa, mo o kena ga jw.org, ga dihlogotaba tsa go lategetsana tsa gore “Bhayibele yi Tšhentšha Maphelo” o nyoko kraya mešupetso ya gore yi makegiye tsa mannete ya go teya ka ku ga 50 ya go šupetsa gore Lentsu la Modimo le na le matšhika fote “le kene le ya bereka ga [‘bo ba le dumelang,’ NWT]” lekgono.—1 Mathes. 2:13.

6. Ke ntaba re ka re Bhayibele a yi tshwane le dipuku tse dingwana?

⁶ A yi šiyo puku ya go tshwana le Lentsu la Modimo. Ke ntaba re reyane? Ka taba la gore Ye a Ngwadiyeng puku yone ke Jehova Modimo wa gore o na le matšhika, ke wa go ya go yye fote a go na wa go hlalefa go tshwana naye. Dipuku tse dingwana tsa go tlala ba fo ya mahlong ba kene ba di bala le mo ye a di ngwadiyeng a šele a kgwile mara mo goya-goya mayele ya ma leng ka hone dipukung ga go tlala a ma sa gelepa ka selo. Mara ditšhiko tsa ka ho Bhayibeleng ke tsa go ya go yye fote di berekele batho ba gore ba phidiye ga dinako tsa go sa tshwane. Mo re kene re bala puku yone ya go hlawolega re boya re ghayela ka tso re di tšhutiyeng, Ye a yi Ngwadiyeng o berekisa matšhika yage go leng moya wa go hlawolega gore a re gelepe re thogo bona ka mokgo re ka berekisang tso Bhayibele yi re yeletsang ka tsona mo re kene re phela. (Pis. 119:27; Mal. 3:16; Maheb. 4:12) Nnete ke gore, Ye a Ngwadiyeng Bhayibele wa gore wa phela o dula a tikemisele gore a re gelepe. Ye lune, phela re fo kwa di re tšhofa gore re nyake go bala Bhayibele ka moka matšatši!

7. Bhayibele yi makiye ka mokgo mang gore batho ba Modimo ku botala ba mamarelane go be selo ka ssoši?

⁷ Go na le se sengwana ka ho Bhayibeleng so se šupetsang gore Modimo o hlalefiye, ke taba ya gore Bhayibele yi gelepa batho ba Modimo gore ba dule ba mamarelanne go be selo ka ssoši. Mo Maisrayele ma kena ga Naga yo yi Tshepisiwweng, ma yye ma tlalagana, ma sa duli ga poleke ka yyoši ma le ka mokana ga wona. Ya mangwana ne ma loba dihlapi, ya mangwana ma ruwwe dikgomu fote ya mangwana ne ma lima. Ke nnete gore taba ya gore Maisrayele ne ma sa duli ga poleke ka yyoši ne yi ka maka gore ma sa tihlupi ka Maisrayele ya gore  ma ga poleke ye nngwana. Mara Jehova o yye a lukiselela gore Maisrayele ma fele ma gahlana ggoši gore ma thogo kwa mo ba bala Lentsu lage ba boya ba le hlatolla. (Dot. 31:10-13; Neh. 8:2, 8, 18) O fo nagana gore Leisrayele le yye la tikwa ka mokgo mang mo le segela Jerusalema ke mokane le bona dimiliyoni tsa batho bo le rapelang nabo ba gore ba tšwa lefaseng ka mokana ga lona! Jehova o gelepiye batho bage gore ba ro napa ba mamarelana. Ka nthago ga mo phutego ya Sekreste yi sa tšwa go thomisa, ke mo go na le banna le basadi ba go bolabola mebolabolo ya go sa tshwane fote ke mo ba sa ba gudisa go tshwana, ba bangwana ke mo ba tseyediwa gedimo ka matla, ba bangwana ke mo ba tinyanafatsiye fote ba bangwana ke mo ba ghannye hala ba bangwana ba tihlupegela. Mara ka taba la gore ke mo ba kwana le Mangwalo ka matla, ba yye ba ba selo ka ssoši ga taba ya go rapela Modimo wa mannete. Bo ba yyeng ba dumela ne ba kwisisa Lentsu la Modimo ba gelepa ke bo ba rapelang nabo le taba ya go gahlana ggoši.—Meber. 2:42; 8:30, 31.

8. Bhayibele yi makiye ka mokgo mang gore batho ba Modimo lekgono ba mamarelane go be selo ka ssoši?

⁸ Modimo wa rune wa gore o hlalefiye o sa na a ya mahlong a re tšhutisa le go gahlanisa batho bage a berekisa Bhayibele. Bhayibele yi na le nnete ya go felegelela ya go bolabola ka Jehova yo re tshwaneleng re yi tšibe. Ga go tlala re gahlana ggoši mogahlanong wa rune wa phutego, megahlano ye mogolonyana le megahlano ye megolo re theetsela mo ba bala Mangwalo, mo ba ma hlatolla le mo ba petapeta ka wona. Byalo, Bhayibele ke thulusi ya go tseyediwa gedimo ka matla ya gore  Jehova o berekisa yona go gelepa batho bage gore “ba mmerekele ba le ggoši.”—Zef. 3:9.

9. Di nyaka re be le mokgwa wa mošaga mang gore re thogo kwisisa molayetsa wa Bhayibele? (Luka 10:21)

⁹ Lebelela taba ye nngwana yo yi šihlelang taba ya gore Jehova o hlalefiye. O makiye gore ditlopo tsa go tlala tsa mangwalo di ngwadiwe ka mokgwa wa gore di nyoko kwisisa ke bo ba gore ba di bala ba tinyanafatsiye. (Bala Luka 10:21.) Batho lefaseng ka mokana ga lona baa yi bala Bhayibele. Morene mongwana wa go tšhutega o yitseri, “Bhayibele a yi fo ba puku ya gore yi badiwa lefaseng ka mokana ga lona mara ke puku ya gore ba yi bala ba sa yi takisi maahlo go phala dipuku tse dingwana ka mokana ga tsona.” Mara bo ba gore ba tinyanafatsiye ke bona ba gore ba yi kwisisa gabutši le go berekisa tso yi di hlayang.—2 Makor. 3:15, 16.

10. Ke mokgwa wofeng wo mongwana wa ka ho Bhayibeleng wa go šupetsa gore Jehova o hlalefiye?

¹⁰ Re tšhuta mokgwa wo mongwana ka ho Bhayibeleng wa go šupetsa gore Jehova o hlalefiye. Jehova aa fo berekisa Mangwalo go re tšhutisa re le mogoba mara o yetetsa a boya a kgomoletsa ye mongwana le ye mongwana wa rune. Mo re bala Lentsu la Jehova, re thogo di bona gabutši gore wa tihlupa ka ye mongwana le ye mongwana wa rune. (Jes. 30:21) Mo o gahlana le mathatha, a di fele di go makegela tsa gore mo o bula Mangwalo ke mokane wa fo wela temanyana ya gore o kwa nkare ba yi ngwalele wene? Wa tšiba, Bhayibele ba yi ngwalele gore yi thogo kwisisa ke batho ba dimiliyoni. Mara di kgonega byang gore Bhayibele yi tshware molayetsa wa gore wa bereka le lekgono fote wa gore wo berekela wene mong? Tsowa dya kgonega ka taba la gore ye a Ngwadiyeng Bhayibele o hlalefiye go phala batho ka mokana ga bona mo lefaseng.—2 Thim. 3:16, 17.

11. Modimo o šupetsiye ka mokgo mang gore aa hlawolane nakwela go sa ngwadiwa Bhayibele?

¹¹ Jehova o tšibega ka gore o lukiye. (Dot. 32:4) Go loka go yelana ka matla le go sa hlawolane, fote Jehova aa hlawolane. (Meber. 10:34, 35; Marom. 2:11) Gore aa hlawolane re bona ka mebolabolo yo ba yi berekisiyeng mo ba ngwala Bhayibele. Dipuku tsa mathomo 39 ya tsona tsa Bhayibele ke mo ba di ngwadiye ka Seheberu, ke mo go le lula gore batho ba Modimo ba di kwisise ka nako yone. Mara ka dinako tsa ku botala, batho ba go tlala ke mo ba bolabola mmolabolo wa Segerika, byalo 27 ya dipuku tsa Bhayibele tsa mafelelo ba di ngwadiye ka mmolabolo wonone. Jehova a sanka a tseya sepheto sa gore Lentsu lage ba le ngwale ka mmolabolo ka wwoši. Lekgono batho ba go segela gana hala ga 8 bhiliyone ho lefaseng ba bolabola mebolabolo ya go tlala. Mara di ka kgonega byang gore batho bone ba go tladisa mohlolo ba tšhute ka Jehova?

12. Ke mokgwa wofeng wo wo šupetsang gore tso di leng ga Daniyele 12:4 di šele di makegiye ga matšatši yawa ya mafelelo?

¹² Jehova o berekisiye moporofeta Daniyele mo a tshepisa taba ya gore ka dinako tsa mafelelo, “go tšiba nnete” yo yi leng ka ho Bhayibeleng “go nyoko sabalala.” Ba go tlala ba nyoko yi kwisisa. (Bala Daniyele 12:4.) Se sengwana so se gelepiyeng gore nnete yone ya Lentsu la Modimo yi sabalale ke gore ba yi hlatolliye, ba yi gatisa fote ba yi sabalatsa ba boya ba sabalatsa dikgatiso tsa go bolabola ka Bhayibele. Bhayibele ke puku yo yi hlatolliwang le go sabalatsiwa ka matla lefaseng ka mokana ga lona. Dihlatollo tso di makiwang ke bo ba go rekisa di tura nkare ke moka. Batho ba Jehova gana byalo ba šele ba hlatolliye Lentsu la Modimo le felegelele kela go le sekopa ka mebolabolo ya go teya ka ku ga 240 fote ye mongwana le ye mongwana a ka kraya Bhayibele mahala. Ka taba la tsotsone, batho ba ditšhaba ka moka ba tšhuta ka “ditaba tsa go bafala tsa Mmušo” mo go soko bane go segela nako ya mafelelofelelo. (Mat. 24:14) Modimo wa rune wa gore o lukiye o nyaka go thulela batho ba go tlala mašuba gore ba thogo mo tšiba ka go bala Lentsu lage. O makiye tsotsone ka taba la gore o re nyaka stereka.

13. Ke ntaba re re Bhayibele yi šupetsa gore Jehova wa nyakanana? (Johane 21:25)

¹³ Bhayibele yi re gelepa gore re thogo kwisisa gore ga mekgwa yo Jehova a nang nayo, wo mogolo wa gona ke go nyakanana. (1 Joh. 4:8) Lebelela tso Jehova a di ngwadiyeng ka ho Bhayibeleng le tso a di lisetsiyeng a sa di ngwale. O re nneye tso re di hlokang gore re thogo ba le senghana naye, re tikwise ka lephelo gana byalo fote re thogo kraya lephelo la go ya go yye. Mara ka taba la gore Jehova o re nyaka ka matla, a sanka a re tokegelanya ka ditaba tsa go tlala tsa gore di nyoko re šita go di tshwara.—Bala Johane 21:25.

14. Ke mokgwa wofeng wo mongwana wo wo leng ka Bhayibeleng wa go šupetsa gore Modimo o re nyaka ka matla?

¹⁴ Go šupetsa gore Jehova wa re nyaka, mo a bolabola le rune o re šiya re na le serithi. Ka ho Bhayibeleng aa re neye letheto la melawo ya go sa fele a re botsa gore re make ying kela re sa make ying mo re kene re phela. Mara, o berekisa tso ba bangwana ba yyeng ba gahlana natso ho lephelong, diporofeto tsa go jabodisa le mayele ya gabutši gore a thogo re gelepa gore re segelele dipheto tsa gabutši. Ka mokgonone Lentsu la Modimo le nyoko re tšhofa gore re mo nyake ka matla fote re mo theetsele ka dipelo tsa rune.

15. (a) Jehova o šupetsiye ka mokgo mang gore wa tihlupa ka bo ba balang Lentsu lage? (b) Ga sethombhe sowa, sengwananyana sowa, mogageru le mogageru wa mosadi wa gore o šele a gudiye ba ghayela ka bomang ba ka ho Bhayibeleng? (Gen. 39:1, 10-12; 2 Mag. 5:1-3; Luk. 2:25-38)

¹⁵ Bhayibele yi re botsa gore Jehova wa tihlupa ka rune. Ka mokgo mang mara? Lentsu Lage le tlele ka ditaba tsa go šupetsa ka mokgo batho ba tikwang. Re thogo kwisisa ka mokgo ba bangwana ka ho Bhayibeleng ne ba tikwa ka gona ka taba la  gore ke mo go le batho “go fo tshwana le rune.” (Jak. 5:17) Se segolo ka matla ke gore, mo re lebelela ka mokgo a tshwarang batho ba go tshwana le rune ka gona re napa re di kwisisa gabutši gore “Jehova o kwelana go baba fote o nyakanana ka matla.”—Jak. 5:11.

16. Re tšhuta ying ka Jehova mo re bala ka Bhayibeleng ka motho wa gore o sinnye? (Jesaya 55:7)

¹⁶ Bhayibele yi re botsa gore ka mokgo Jehova a re nyakang ka gona a go hlayisegi. Mangwalo ma re tshepisa gore Modimo wa rune a ka sa ro re lahla mo re fela re kekemisa. Maisrayele ma yye ma sinyela Jehova ga tleletlele; mara mo ma šupetsa gore ma tisola ma resa, Modimo o yye a ma tshwarela. (Bala Jesaya 55:7.) Makreste ya ku botala ke mo ma di tšiba tsa gore Modimo ke mo a ba nyaka ka matla. Modimo o hlohletsele Pawulo wa lepostola gore a botse magagabo gore ma ‘tshwarele fote ma kgomoletse’ motho wa gore o yye a sinya ka matla mara a šupetsa gore o tisola a resa. (2 Makor. 2:6, 7; 1 Makor. 5:1-5) Phela di ro jabodisa ka matla gore Jehova aa lahle batho bo ba mo rapelang ka taba la gore ba mo sinyele! Mara, o šupetsiye gore o ba nyaka ka matla ka gore a ba gelepe a sa tšhofe ke motho, ka go ba gelepa gore ba potolle ga gore go kekemme a boya a ro fawa gore ba boyele ba be banghana bage fote. Le lekgono o sa na a tshepisa go maka ka mokgonone ga bo ba gore ba sinnye ke mokane ba tisola ba resa.—Jak. 4:8-10.

17. Ke ntaba re re Bhayibele ke selo se segolo so ba re neyyeng sona?

¹⁷ Jehova o re neyye selo sa go bafala ka matla. Ke ntaba Lentsu la Modimo le jabodisa? Re tšhutiye gore Bhayibele yi re wunyullela gore Modimo o hlalefiye, o lukiye fote o nyakanana ka matla. Puku yowa yi šupetsa gabutši gore Jehova o nyaka gore re mo tšibe. O nyaka gore re be banghana bage.

18. Re ka šupetsa ka mokgo mang gore re leboga Bhayibele go leng selo sa “gabutši” so Jehova a re neyyeng?

¹⁸ Di nyaka re le tseye “gabutši” Lentsu la Modimo. (Jak. 1:17) Koriyeneng mahlong re šupetsa gore re le tseyela gedimo ka matla. Re ka maka ka mokgonone ka go rapela mo re bala mantsu ya yona ya go hlawolega le ka go ghayela ka wona. Mo re kene re maka ka mokgonone, a re kamake gore ye a yi Ngwadiyeng o nyoko rufa tso re di makang fote re “nyoko tšiba Modimo gabutši.”—Diy. 2:5.