1. N’nga ingumii-u chofuneya a-vi wa Yohova?

 THUULELANI ira fwinyu utouva-ani foto yawale yokumi-iwa mwadodoliso mbwenye ingali ya pereso yavadhulu. Fotwiyo itokaana ikundu inango yothakala na yonongeya. Vingalive e-no, fotwiyo njodula moi inooda guli-iwa na kobiri mamiliau manjinji. Pyooneelatu ira munooda isimba fotwiyo thitho ivunela. Mofwanafwana na vyevi, Yohova utoni-va-a yotuva ya pereso yavadhulu ya ingumi. Thitho Yohova atooni-a ira unosimba ingumii-u vavelenle liye Mwanee kala kuto oniombolana.—Juwau 3:16.

2. Movwelana na lemba la 2 Akoritiyo 7:1, n’nga Yohova unodedi-edha ira niiren’ni?

² Yohova ngumwinyaa ingumi. (Sal. 36:9) Rumiwi Paulo, atorumela likundo leli laimbarimbari vevo vaongile liye ira: “Namwasa wa liye nitokaana ingumi, ninowenda thitho nitokalawo.” (Mayir. 17:25, 28) Ee-no pyovweya onga ira ingumi chotuva yokumela wa Nlungu. Mwaudhivela liye unoniva-a vyothene vinofuneela i-yo ira nikaena ingumi. (Mayir. 14:15-17) Mbwenye va-eeni kaira Yohova unovulumucha ingumii-u modabwi-a kabe. Malomwee liye unodedi-edha ira niire vyothene vinaode i-yo ira nikaena tutu lapama thitho nidhoenave m’labela. (Muleri 2 Akoritiyo 7:1.) Mwasiwa ngwan’ni ninofwanela vunela tutu na ingumi yi-u, n’nga ninaviire a-vi vyevi?

3. N’nga ngumwasa uvi umbo-i unoniiri-a ira nisamalelenga tutu li-u?

³ Mwasa umbo-i unoniiri-a ira nisamalelenga tutu li-u ngoi, ninofuna m’labela Yohova ninga mwemo munaodele i-yo.  (Marku 12:30) Ninofunechecha velela “tutu li-u ninga kuto yaingumi, yochena na yorumeleya wa Nlungu.” (Aroma 12:1) Ee-no ninorambela irana vyongo vyoi ninoviidhiwa ira vinononga tutuli-u. Pyaimbarimbari ira masiki nivilimbi-edhe ninooda bulelave, mbwenye ninoira vyevyo vinaode i-yo ira nikaena tutu lapama namwasa oi ninofuna thonyi-edha Babi-u wa dhulu ira ninosimba yotuva ya ingumi?

4. N’nga Mwene Davide afunechecha iranan’ni?

⁴ Mwene Davide atoonga mwasee wam’mwiri-a simba yotuva ya ingumi yam’va-idhe Nlungu vevo valembile liye ira: “N’nga ndakwa makala masiyeni, ndinodha ganyalin’ni? N’nga tumbulu linodha utitimi-ani? N’nga tumbululo linodha laleela ira nyo muli waimbarimbari?” (Sal. 30:9) Vinooneya ira Davide alembile madhu enala komoni wa ingumiyee. Mbwenye liye anoofunechecha dhowanave kaana ingumi thitho manungo apama naifunelo yoi adhowenave m’titimi-a Yohova. Pyo-okaikeli-a ira i-yo othene ninofunechecha thitho vyevi.

5. Akala nitoulula venango bulela, n’nga ninairen’ni?

⁵ Marenda thitho ulula, vinooda niimwanani-a irana vinjinji ninga mwairela i-yo voroma. Vyaira ee-no ninooda fooka thitho sukwala. Mbwenye kaninofwanela pwaza izo yosamalela tutu li-u. Mwasiwa ngwan’ni ninoonga e-no? Mwasee ngoi angalive ira nitoulula maningi venango bulela moi a-vi, ninoodave m’titimi-a Yohova ninga mwairile Mwene Davide. Pyolimbi-a idhiwa ira Nlungwi-u unoniona ira nili a pereso yavadhulu angalive ira ninobulela venango ulula. (Mat. 10:29-31) Masiki nikwe, liye unofunechecha nivenyathi-a. (Yobo 14:14, 15) Va-eeni vina i-yo ingumi, niire vyothene vinaode i-yo vosamalela tutuli-u thitho ingumii-u.

6. N’nga Yohova unodedi-edhela ira niirengan’ni va mwasa wa vyodya na vyomwa vyolezeli-a?

⁶ Angalive ira Bibilya kai bukhu loonga vyamanungo apama venango vya vyodya, linooda nikami-a idhiwa mwemo Yohova munothuulela liye va myasa dhedhi. Mofwanafwani-a liye unonilimbi-a ira “nirambele vyongo vyopei-a” venango vinanonge tutu li-u. (Namal. 11:10) Bibilya linokondi-a udya maningi na umwa maningi vyomwa vyolezeli-a, namwasa oi vyevi vinononga ingumi. (Sang. 23:20) Yohova unodedi-edhela ira nidhikondi-enga va mwasa osimbwa udya na osimbwa umwa vyomwa vyolezeli-a.—1 Akor. 6:12; 9:25.

7. N’nga malangi-o ava lemba la Sanganiko 2:11 ananikami-e a-vi ira nisakulenga pama vamwasa wa manungwi-u?

⁷ Ninooda thonyi-edha ira ninosimba maningi yotuva ya ingumi iniva-idhe Nlungu vo-indi-edha basa pama dodoliso li-u lothuulela. (Sal. 119:99, 100; muleri Sanganiko 2:11.) Mofwanafwani-a ninooda indi-edha basa dodoliso li-u lothuulela va mwasa wa vyodya vinosakula i-yo. Akala ninodhiveliwana yodya inangwee, mbwenye ninoidhiwa ira nadya ninobulelana thuulela pama unonikami-a ira niirambele yodyiyo. Ninooda thitho thonyi-edha ira nili othuulela pama nagonanga mokwakwanela, ira vyongo vyolimbi-a manungo hora dhothene, kala auyesa, thitho samalela pama vandhe vi-u.

8. N’nga Bibilya linothonyi-edha ira Nlungu, unoona a-vi mwasa orambela ngovi?

⁸ Ilamulo ya Yohova yaava-idhe liye Aisraeli yatookana malangi-o oi angaakami-idhe, rambela ngovi dhoopi-a dhoi dhingaireile vandhe venango limburo labasani. (Ekis. 21:28,  29; Dotor. 22:8) Akala mutu utopa mutu fwee mwangovi anoogumanana nyarwa dhilukulu. (Dotor. 19:4, 5) Ilamulo yanoonga ira angalive atu oi mo-ofuna tatom’pei-a mwana o-obaliwa tafwanela langiwa. (Ekis. 21:22, 23) Malemba anoonga movweya pama ira Yohova anofuna ira nivilimbi-edhenga rambela ngovi.

9. N’nga ninaire a-vi ira nirambelenga ngovi? (Muone thitho viruthiviruthi.)

⁹ Ninooda thonyi-edha ira ninosimba yotuva ya ingumi iniva-idhe Nlungu vo-arela ndhila dhorambela ngovi vandhe thitho basani. Ninoira vyongo mwapolepole natatila vyongo vyoirwa, vyaveneno venango mirombwe, thitho na-elanga undendai naa-ima vyongo ninga vyevi. Ninoira thitho polepole na mulo, vyongo vyoka-a, mafaramento a ineregiya thitho ninoonechecha ira kanino-iya vyongo ninga vyevi vo-okala oviing’anela. Kaninowendi-a karo ningana mathuulelo ododomi-iwa, namwasa oi nitomwa mirombwe inangwee, vyomwa vyolezeli-a venango a-gona mokwakwanela. Thitho ninoonechecha pama ira kanino-indi-edha basa mafaramento mapya ninga telefoni vowendi-a karo.

10. N’nga ninairen’ni masoka a vilengo a-anaireye, thitho aireyanga?

¹⁰ Hora dhinango kaninaode rambela vyoireya vinango vyoi vinooda iri-a ira ingumii-u ikale vangovi. Vyevi vinooda ireya simbwasimbwa vaireya masoka avilengo, sau thitho waireyanga gereve. Mbwenye vyongo ninga vyevi vyaireya ninooda bareleya thitho vulumuwa akala nito-arela malangi-o oi nikume muisayo venango malangi-o enango oveleliwa na andimuwa andimuwa aanamatonga. (Aroma 13:1, 5-7) Hora dhinango vinooda idhiweya ira unoireya ngovi ee-no ninooda ira pama a-rela malangi-o aandimuwa aanamatonga vonikami-a kozeela. Mofwanafwani-a, vinooda kala vyokami-a lokota ma-inje na vyodya vyoi kavinonongeya thitho mirombwe na vyongo vinango vyokami-ana mutu apeya.

11. Akala utoromeya marenda otapuli-ana, n’nga ninofwanela kala ofunechecha iranan’ni?

¹¹ N’nga ninaire a-vi akala ira marenda otapuli-ana atomwadheya tatamu linokala i-yo? Ninofwanela vwela malangi-o enao anaode nikami-a ninga a-mbamo mandhani, kala molapelana, wara maskara thitho kala vaokene. Nadhilimbi-edhanga a-rela malangi-oala ninothonyi-edha ira ninosimba yotuva ya ingumi iniva-idhe Nlungu.

12. N’nga likundo lava lemba la Sanganiko 14:15, linonikami-a a-vi sakula vinofwanela i-yo vwela va hora ya ngovi?

¹² Vahora ya ngovi dho-iyana-iyana ninooda uvwa myasa yonama kumela waafwi-u, waatu owandamana thitho varadiyoni. Mbwenye malo mororomela madhu aliothene anovwa i-yo, ninoira pama vwela malangi-o onyindeleya okumela waanamatonga thitho waatu oona vyaingumi. (Muleri Sanganiko 14:15.) Gulu Lotonga thitho maofesi atambi tanovilimbi-edha sakasaka ta-anavelele malangi-o oonga vyamigumano ya pingo thitho basa lolaleela. (Aeb 13:17) A-rela malangi-oala unokami-a i-yo thitho atu enango kala obareleya. Ninokami-a thitho ira pingo ukaena limbili lapama mutatamulo.—1 Pe. 2:12.

13. N’nga ninathonyi-edhe a-vi ira ninolemeza ingumi navwelanga lamulo la Yohova vamwasa wa sangiri?

¹³ A Mboni dha Yohova tanoidhiweya ira tanolemeza pambuleya wa sangiri. Ninovwela lamulo la Yohova lokuza sangiri vokonda e-liwa sangiri angalive ira ninofuneela kami-iwa na mirombwe mombaranya. (Mayir. 15:28, 29) Mbwenye vyevi kavinothapulela ira i-yo ninofuna wukwa kabe. Malomwee ninosimba yotuva ya ingumi iniva-idhe Nlungu. Ninofuna kami-iwa mwapama na mirombwe mo-o-eliwa sangiri.

14. N’nga ninayevi-e a-vi funeela oi niva-iwe kami-o ulukulu wa mirombwe?

¹⁴ Nasamalelanga manungwi-u voira vyongo vitapanyile i-yo muyofunjedha yei, ninooda yevi-a funeela oi niiriwe operasau venango kami-iwa ulukulu wa mirombwe. Thitho nakaana manungo apama, ninoila mombaranya nairiwa operasau. Ninooda yevi-a thitho funeela oi niiriwe operasau vokumi-avo vyongo vinairi-e ngovi vandhe thitho basani, no-arela mwapolepole malamulo avandhila.

15. (a) Mwasiwa ngwan’ni pyofuneya wendangana kadi li-u lelo lina makundo ovwelana na mwemo vyongo muli aliwa vaingumi yi-u va-eeni? (Muone thitho viruthiviruthi.) (b) Movwelana na vioni i-yo vidiyoni n’nga ninaire a-vi ira nisakule pama vamwasa wa pedhelo la ximitari lokuza e-liwa sangiri?

¹⁵ Voi ninodhiveliwana yotuva ya ingumi, ninolemba Khadi Lopatsa Munthu Mphamvu Zondiimira pa Thandizo Lakuchipatala (onani  zimene ndalemba m’katimu), noliwendangana hora dhothene. b Vakartauniva ninoongavo vyosakula vi-u vamwasa wa sangiri thitho kami-iwa unango wa mirombwe. N’nga vyalembile nyo vakartaunivinyu vinovwelana na mwemo vyongo vili aliwa vaingumi va-eeni? Akala munofuneela lemba venango saka-edha akoka vyongo vili vakadini vinyu, kamudembuwe. Lemba vyovweya pama vakadini vi-u, unooda iri-a ira na-adembuwe wachela pedhelo la ximitari. Vyevyo vinooda nikami-a thitho ira nirambele avwechechana na maiferimero naifunelo yoi na-awachele pedhelo lelo lina-ele ingumi yi-u vangovini. c

16. N’nga ninaire a-vi akala kaninoidhiwa mwemo munalembele i-yo kadi la DPA?

¹⁶ Akala nili azombwe venango nitookana manungo apama, i-yo othene ninooda gumanana ngovi thitho bulela. (Namal. 9:11) Ee-no ndi yongo yazelu lemba kadi li-u la DPA. Akala kamuidhi mwemo munalembelenyo kadili, muvepe andimuwa a vapingoni vinyu ira taukami-eni. Aliwa anooda ukami-ani  idhiwa mwemo munalembelenyo kadili mbwenye katinausakulelani vyoira vamwasa pedhelo la ximitari lofwanelela wachela, namwasa oi yeyo njiizo inyu. (Agal. 6:4, 5) Mbwenye andimuwa anookami-ani ira muvwecheche vyevyo vinasakulenyovyo thitho ira muvilembe pama.

17. N’nga ninathonyi-edhe a-vi ira nili ololela vamwasa osakula pedhelo laximitari?

¹⁷ Hora dhinjinji vyongo vinasakula i-yo vamwasa okuza manungwi-u venango pedhelo vinokala vyovwelana na ithuulela rima yi-u yofunji-iwa pama na Bibilya. (Mayir. 24:16; 1 Timo. 3:9) Nasakulanga venango tapanya naatu enango vamyasa dhedhi, ndipama a-rela likundo lava Afilipi 4:5 lelo linoonga ira: “Atu othene taidhiwe ira muli ololela.” Nakala ololela kaninakumbanyedha maningi vyokuza manungwi-u venango kanyi-edha atu enango ira tawendelenga mathuulelwi-u vamwasa okuza pedhelo la ximitari. Ninodhiveliwana thitho lemeza abali arongoli-u, angalive ira vyosakula viwa vikale vyo-iyana na vi-u.—Aroma 14:10-12.

18. N’nga ninathonyi-edhe a-vi ira ninosimba yotuva yaingumi?

¹⁸ Ninothonyi-edha ira ninosimba Yohova wenuo uli mwinyaa wa ingumi voivunela thitho nomlabelanga na rima wethene. (Apok. 4:11) Va-eeni ninolimbananave vyongo ninga marenda thitho nyarwa dhinango. Mbwenye namapanduchi-u kaafuna ira nikaengana ingumi yen’na. Vachineneeva unoniva-a ingumi yo-omala, yo-okwa thitho yapama. (Apok. 21:4) Mbwenye va-eeni ninoona ira njingari yapereso yavadhulu kaana ingumi thitho mlabelanga Babi-u waudhivela Yohova!