Ibadị abumor r’abumaranhi ayira rosighẹ ghan rumhuoghaạph dị oghol siphẹ opoḍi aghisigh osoph intanẹt phọ jw.org koḍighinhom epẹ erugh phọ. Edugh oghiọm onhọn oye, kụ ibadị amem regbạ ghan idị araraạr dị remite siẹn aḅirinhi phọ remunhenhi imiịn aBaibul phọ. Oniin onyọ umor aḅẹm mọ, arumhuoghaạph phọ edi bọ opoḍi aghisigh phọ “eḍighi ikạr araraạr phọ yira omhoghi bọ oḍighinhom oḍighi iphelhegbeel phọ nyiidiphọ phọ.”

Kuolọ rogbor ghan ni konmeeghi rumhuoghaạph phọ, esi iduọn phọ ika kụ idị nạ katue awạ amiịn rumhuoghaạph dị i/lo mun siphẹ opoḍi aghisigh phọ?

• Siphẹ jw.org, selẹ “Araraạr Dị Omiteom,” kụ aghị siphẹ “Edeọm Arumhuoghaạph,” ekureriom mọ kụ aghị siphẹ “Inhọn Arumhuoghaạph.”

• Siphẹ JW Library^®, selẹ “Library,” kụ aghị siphẹ “Article Series,” ekureriom mọ kụ aghị siphẹ “Inhọn Arumhuoghaạph.” Agạ phọ ophọn phọ apamanạm ibadị arumhuoghaạph dị memite ghan siphẹ opoḍi aghisigh phọ.