Umego ku nyimego mwa dupa gitiyo ku thiwiwec ma wok i jw.org i mbayane mir acaki i tic mi lembanyong’a. Nwang’ugi tie yot ku jamtic mir elektronik man gikoro kite ma lembe ma tung’ tung’ m’ubekadhu ubepong’o ko lembila mi Biblia. Calu m’umego moko ukiewo, thiwiwec ma wok i mbaya mir acakine utie “tap gin ma watie ku yenyne pir ayi tic mi lembanyong’a ma kawoni.”

Re jubed juloko thiwiwecne wang’ ma pol. Dong’ icopo nwang’u thiwiwec ma fodi utimo ngo nindo ma lee i mbaya mir acaki nenedi?

• I jw.org dii wi “Jamtic,” i ng’eye “Odi thiwiwec ma tung’ tung’,” man tokcenne “Thiwiwec ma tung’ tung’.” Thenge maeni utie ku thiwiwec dupa ma jurieyo i mbaya mir acaki.