Walja jilat kullakanakajj jw.org qalltapan uñstki uka yatichäwinakampiw predicapjje. Uka yatichäwinak yaqhanakar aptʼayañajj facilakiwa, kunanakatï jichhürunakan pasaski ukanakajj Biblian profecianakaparjam phoqasitapwa qhanañchapjjaraki. Mä jilatajj akham siwa: “Jichhürunakan uka yatichäwinakamp predicañajj wali sumapuniwa” sasa.

Internetan jw.org qalltapan sapa kutiw may maya yatichäwinakajj uñsti. Ukhamajj ¿kunjamsa nayrajj uñstkäna uka yatichäwinak jikjjatsna?

• Internetan jw.org cheqanjja, “Jukʼampinaka” siski ukaruw limtʼäta, ukajj alay toqen uñstki uka yatichäwi aynach toqenkiwa. Celularansa jan ukajj tabletansa “Akanak liytʼañamapuniwa” siski uka aynach toqenkiwa. “Jukʼampinaka” siski uka toqew “Qalltan uñstki uka yatichäwinaka” siski ukar mantasma. Ukanwa qhep qhepa mistur yatichäwinak jikjjatäta.

• Internetan jw.org jan ukajj JW Library^® ukar mantasajj “Biblioteca” siski ukaruw mantäta, ukatjja “Yatichäwinakampi yaqhanakampi” siski ukwa thaqtäta. Ukatsti “Jukʼamp yatichäwinaka” siski ukwa ajllïta. Ukanjja Internetan jw.org qalltapan uñstkäna uka walja yatichäwinakwa jikjjatäta.