Ginagamit kan dakul sa satong mga tugang sa saindang ministeryo an mga artikulong nakatampok sa home page kan jw.org. Madali iyan na i-forward sa elektronikong paagi, asin sa parati ipinapaliwanag kaiyan kun paano an mga pangyayari sa presente kautuban kan mga propesiya sa Bibliya. Arog kan isinurat nin sarong brother, an mga artikulo sa home page “angay na angay nanggad sa klase nin ministeryo na isinasagibo ta ngunyan.”

Pero regular na riniribayan an nakatampok na mga artikulo, kaya paano mo mahahanap an mga artikulo na mayo na sa home page?

• Sa home page kan jw.org, i-click an link na “Hilingon an Iba Pa” harani sa parteng itaas kan page. An link na ini binubuksan an page na may titulong “Mga Artikulo na Itinampok sa Home Page,” kun sain mahihiling mo an ibang mga artikulo na dai pa sana nahahaloy na pigtampok.

• Sa jw.org o sa JW Library^®, i-select an “Library,” dangan an “Article Series,” tapos an “Iba Pang mga Tema.” Mahihiling sa seksiyon na ini an dakul sa mga artikulo na naitampok sa home page.