Aba bwananyina abengi balabomfya ifipande ifipya ifyo babika pa jw.org ilyo balebila imbila nsuma. Tafya-afya ukutumina umuntu pa foni nga alefifwaya kabili amalyashi yaba muli ifi fipande, yalangilila ifyo amasesemo yalefikilishiwa muno nshiku. Munyinefwe umo alandile ukuti: “Ifipande fifuma pa jw.org fyaliwama pantu filatwafwa ukubomba bwino umulimo wa kubila imbila nsuma pali ino nshita.”

Kwena ifipande ifyo babika pa jw.org filapusanapusana. Nomba kuti twasanga shani ifipande ifishili palya balangilila ifipya?

• Nga mwaya pa jw.org tinikeni apaleti “Moneni na Fimbi.” Nga mwatinikapo mwalaya apaleti “Ifyali pa Ntendekelo pa JW.ORG” apa e po mwalasanga ifipande na fimbi ifingi.

• Pa jw.org nelyo pa JW Library^®, tinikeni apatila “Impapulo” lyena kabiyeni apatila “Amalyashi Ayalekanalekana.” Apa epo mukasanga ifipande ifingi ifyo babikilepo na pa jw.org.