En kantite frer ek ser i servi sa bann lartik ki lo paz lakey jw.org dan predikasyon. I fasil pour anvoy sa bann lartik atraver en lekipman elektronik e souvandfwa sa bann lartik i eksplike ki mannyer bann levennman ki pe arive pe akonpli bann profesi ki dan Labib. En frer ti ekri konsernan sa bann lartik e i ti dir ki sa bann lartik i “al byen avek lafason ki nou fer predikasyon konmela.”

Me tanzantan sa bann lartik i sanze. Alor ki mannyer ou kapab trouv bann lartik ki nepli lo paz lakey?

• Lo paz lakey jw.org an Angle, al lo “See More” ki lo sa paz. Sa pou ouver sa paz ki annan pour tit “Recently Featured on the Home Page,” kot ou pou vwar lezot lartik ki ti lo paz lakey.

• Lo jw.org ouswa JW Library^®, al lo “Bibliotek” apre “Bann seri lartik” e apre “Lezot topik.” Dan sa seksyon, i annan en kantite lartik ki ti lo paz lakey.