Yökë JW.ORG ˈka ˗sü ˈˈslö ˈbha ˗nu
ˈWɔn ˗gɔ ˗nu ˈwo ˗an ˗wɔn ꞊blɛɛ
Kwa ꞊dhegblü ˗nu ꞊vadhɛ ˗wa ˗pö ꞊dhɛ ˈwɔn ˗gɔ ˗nu ˈwo jw.org ˗dakɔɔdhɛ ˗ta bhë, ˗zlanwopö ˗an ˈka ˗sü ˗së. ˗An ˗bɔ mɛn ˗nu ˗dhɛ ˗sü ˈö parɛ ˗ta ˈyaa ˈˈgbɩɩ˗, ˈö go mü ˗ya kë ꞊shiöŋ ˈwɔn ˗nu ˈö Biblö ˗yö ˗an to ˈˈdhiʋ̈ ˈö˗ pö bhë, ˗an ˗yö ˈko ˈˈdhiʋ̈ ˗sü ˈö kwa ˗bha ˈˈtʋ̈ŋ ˈö yö ˗a ˈgü ˗an ˗wɔn ˗blɛɛ. Kwa ꞊dhegblü do ˗ya ˗pö: «ˈWɔn ˗gɔ ˗nu ˈwo bhë, pë ꞊dede ˈö kwa ˗bhawɔn ˈdhö˗ ˗bha kö ˈkwa ˗zlanwopö ˗a ˈka, yö ˗mü.»
ˈˈKɛɛ ˗ya kë ꞊shiöŋ ˗wa zii ˗nu ˗bho mü ˈwo˗ ˗dɛɛ ˗nu ˗ya mü. ˗Ya kë ˈˈdhʋ̈, ˈmën ˈkwa ˗dho ˗a kë kö ˈkwa ˗kpan ˗a zii ˗nu ˗bha?
˗Kwa ˈdho jw.org ɛɛnˈˈ JW Library® ˈgü kö ˈkwa kwa ˗kɔ ꞊nënŋ « Library » ˗ta. ˗Ya ˈgo mü, ˈkwa kwa ˗kɔ ꞊nënŋ « Rubriques » ˗ta, kö ˈkwa ˈdho « Divers » ˈgü. ˈWɔn ˗gɔ ˗nu ˈwo ˗dhɛ ˈö bhë ˗a ˈgü, ˗a ꞊vadhɛ ˗wa bɔ jw.org ˗dakɔɔdhɛ ˗ta.