Sɛ ibue jw.org wɛbsaet no fofor a, nsɛm a wɔdze gu hɔ no, enuanom beberee dze dzi dwuma wɔ asɛnka mu. Ɔnnyɛ dzen dɛ edze nsɛm a ɔwɔ hɔ no ho link bɔmona obi, na mpɛn pii no ɔkyerɛkyerɛ mbrɛ nsɛm a orisisi wɔ wiadze mu no ma Bible nkɔnhyɛ ba mu. Onua kor kaa nsɛm a wɔdze gu hɔ no ho asɛm dɛ, “Mbrɛ ndaansa yi hɛn asɛnka edwuma akɛyɛ yi dze, dza yehia ara nye yi.”

Naaso asɛm no nye dɛ, nsɛm a wɔdze gu hɔ no, ɔreyɛ ara nye yi nna wɔresesa no. Ntsi sɛ epɛ dɛ ihu asɛm bi a wɔdze ato hɔ pɛn a, ebɛyɛ dɛn ehu?

• Sɛ ibue jw.org wɛbsaet no fofor a, ɔfa bi wɔ hɔ a wɔato dzin “Hwɛ Pii Ka Ho.” Sɛ eklek do a, ɔnye wo bɔkɔ “Nsɛm A Yɛdze Ato JW.ORG Ndaansa Yi Ara” ɔfa hɔ. Sɛ inya ara du hɔ a, ibohu nsɛm yi mu pii wɔ hɔ.

• Sɛ ekɔ jw.org anaa JW Library^® do a, kɔ “Library,” na kɔ “Article Series,” afei hwehwɛ “Nsɛm Afofor A Ɔwɔ Hɔ.” Nsɛm a sɛ ibue jw.org wɛbsaet no fofor a ihu wɔ hɔ no, no mu pii wɔ ha.