Levu na tacida era vakayagataka ena cakacaka vakaitalatala na ulutaga vovou e dau biu ena mata ni jw.org. E rawa ni vakau tale vua e dua ena Internet, e vakamacalataki kina vakalevu na kena vakayacori na parofisai vakaivolatabu ena veika sa yaco tu nikua. E vola e dua na tacida tagane, na ulutaga ena mata ni jw.org e “veiganiti sara ga ena noda cakacaka vakaitalatala.”

Ia e dau veiveisau na ulutaga qori, o na kunea vakacava na kena sa biu oti mai?

• Ena mata ni jw.org qori, tabaka “Raica Eso Tale” ena yasana imatau. Ni o tabaka, o na raica “Veika se Qai Biu ga ena Mata ni Website,” era tiko kina na ulutaga sa biu oti mai.

• Ena jw.org se JW Library^®, tabaka “Ka e Vakarautaki,” tabaka tale “Duidui Ulutaga,” oti tabaka sara “Eso Tale na Ulutaga.” E tiko tale ga kina e levu na ulutaga sa biu oti ena mata ni jw.org.