Nɔví súnnu kpó nɔví nyɔ̌nu kpó mǐtɔn gěgé nɔ zán xóta ɖěɖěe nɔ tɔ́n ɖo akpáxwé bǐbɛ́mɛ tɔn jw.org tɔn jí lɛ́ é ɖo sinsɛnzɔ́ ɔ mɛ. É bɔ wǔ tawun bɔ è ná sɛ́ xóta énɛ́ lɛ́ dó mɛ ɖo Ɛntɛnɛ́ti jí; hwɛhwɛ ɔ, yě nɔ tínmɛ lěe nǔ e ɖo jijɛ wɛ din lɛ́ é ɖo blǒbló wɛ bɔ nǔɖɔɖayǐ Biblu tɔn lɛ́ ɖo jijɛnu wɛ gbɔn é. Nɔví súnnu ɖokpó wlán ɖɔ xóta ɖěɖěe nɔ tɔ́n ɖo akpáxwé bǐbɛ́mɛ tɔn ɔ jí lɛ́ é ɔ, “nǔ ɖagbe ɖěɖěe sín hudó mǐ ɖó, bá dó wa wɛnɖagbejíjlázɔ́ mǐtɔn din lɛ́ é pɛ́pɛ́pɛ́ wɛ yě nɔ nyí.”

Amɔ̌, hwɛhwɛ wɛ è nɔ ɖyɔ́ xóta ɖěɖěe nɔ tɔ́n ɖo fínɛ́ lɛ́ é. Énɛ́ wú ɔ, nɛ̌ è ka sixú mɔ xóta ɖěɖěe ma sɔ́ ɖo fínɛ́ ǎ lɛ́ é gbɔn?

• Ðo akpáxwé bǐbɛ́mɛ tɔn jw.org tɔn jí ɔ, zǐn “Voir plus” e ɖo ɖibla yi aga bǐ ɖo akpáxwé ɔ jí é. Nǔ énɛ́ e a ná zín é ná kplá we yi “Récemment en page d’accueil” jí; nǔ e tɔ́n agaɖanu din ɖo akpáxwé bǐbɛ́mɛ tɔn ɔ jí lɛ́ é wɛ nɔ ɖo fínɛ́.

• Ðo jw.org jí, alǒ ɖo JW Library^® mɛ ɔ, zǐn “Bibliothèque,” bo wá zín “Rubriques,” énɛ́ gúdo hǔn, zǐn “Divers.” Xóta ɖěɖěe nɔ tɔ́n ɖo akpáxwé bǐbɛ́mɛ tɔn ɔ jí lɛ́ é gěgé nɔ ɖo fínɛ́.