A bati taari aika a kamanenai kaongora aika a toka ni moanibaan ara atureti n te intanete ae jw.org n aia mwakuri ni minita. E bebete iai kakibaan booki nakon te tareboon teuana, ao a aki toki ni kabwarabwaraaki iai baike a riki ngkai aika kakororaoa te taetae ni burabeti n te Baibara. N aron ae e koreia te tari te mwaane temanna, kaongora aika a toka ni moanibaan ara atureti n te intanete “boni baika ti kainnanoi ngkai n ara mwakuri ni minita.”

Ma a bibitaki ni katoatai kaongora ake iai, ngaia are ko na kangaa ni karekei kaongora aika aikoa oti ni moanibaan ara atureti n te intanete?

• Kotea “Noria riki” ni moanibaan ara atureti n te intanete ae jw.org ae mena n te koona mai eta. E na kairiko te link anne nakon te iteraniba ae atuna “Baika a Tibwa Katokaaki ni Moanibaan Ara Atureti n te Intanete,” ike ko na karekei riki iai kaongora aika a tibwa katokaaki.

• Kotea “Baika Katauraoaki” n jw.org ke n JW Library^®, imwina kotea “Kaongora” ao te kabane “Reirei Riki Tabeua.” A bati kaongora ikai ake a totoka ngkoa ni moanibaan ara atureti n te intanete.