Gã́bug pá vígà págbálà nè pábia ólò tú gbò ãa togó bel ea di boo jw.org kọọmá kpẹ̀a. À ólò valí gè lẹ̀ẹ̀là má nen tenmá boo fóòn, vaá à ólò bọọgẹ̀ ló bel kilma ló bé e gbò nú ea gé naaá ḿm̀-mè gbò kọ́ọ̀ bùlà Bàrì ea di mm̀ Kpá Káí naa. Ene kà vígà pàgbálà beè emí kọọ̀, gbò togó bel e nen ólò zẹ́ẹ́ mòn tṍó ea bã́ boo jw.org ólò dú kà lèlà nú e íè bíi ló ge kọọmá kpẹ̀a.

Sõò bà ólò nyaaná gbò togó belí lee, vóà naa, éé ní ea é láá nvèè bá ni kọ ó láá mòn gbò togó bel e bè à gé ná túá kiẽ́e eo é zẹ́ẹ́ bã̀àe?

• Bã boo jw.org vaá ò naa kliìk “See More” ea di gbàn deè boo kiẽ́e eo bãàa. Àé fáálá ni tẹlẹ ló togó bel ea kọ́ọ̀, “Recently Featured on the Home Page,” kĩá, òé mòn gbò togó bel e bà ã́àa lọl boo túá kiẽ́e eo é zẹ́ẹ́ bã̀a.

• Boo jw.org àbèè JW Library^®, naa kliìk “Library,” ò gbóó bã kè kẽè “Gbò Togó Bel” vaá ò náa klíìk “Gã́bug Togó Bel.” Gã́bug togó bel e ba beè tẹlẹ túá náásĩ́ eo é zẹ́ẹ́ bã̀ ea di boo jw.org a, di kĩí.