Muaj coob leej ntau tus kwv tij nkauj muam kheev siv tej zaj kawm uas tshwm tuaj thaum qhib lub vej xaij jw.org/hmn mus tshaj tawm txoj xov zoo. Kuj yooj yim rau lawv muab xa mus rau lwm tus tau saib thiab tej zaj ntawd kuj sau kom raws caij raws nyoog li tej lus faj lem nyob rau hauv phau Vajlugkub. Muaj ib tug kwv tij sau tias thaum nws qhib kiag lub vej xaij, muaj tej zaj “hais tau dhos daws rau lub caij lub nyoog uas peb nyob no.”

Tiam sis tej zaj uas tshwm tuaj ntawd kuj muab hloov rau zaj tshiab lawm. Yog li ntawd, peb yuav mus nrhiav tej zaj uas tsis tshwm tuaj lawm rau qhov twg?

• Thaum mus rau hauv lub vej xaij jw.org/hmn, nias lo lus “Saib Ntxiv”. Tom qab koj nias ces koj yuav pom sab hu ua “Tej Uas Tshwm Tas Los.” Nyob rau sab no koj yuav pom tej zaj kawm uas twb tshwm dua tag lawm.

• Nyob rau hauv lub vej xaij jw.org/hmn los sis lub twj JW Library^®, xaiv “Peb Tej Ntaub Ntawv” ces mus rau “Ntau Zaj Ntaub Ntawv” ces tom qab ntawd, xaiv “Lwm Yam.” Sab no koj yuav pom tej zaj kawm uas twb tshwm dua tag lawm.