Къуэш, шыпхъу куэдым хъыбарыфІыр щагъэІукІэ jw.org сайтым и напэкІуэцІ нэхъыщхьэм ит статьяхэр къагъэсэбэп. Ахэр зыгуэрым хуебгъэхьыну тыншщ икІи абыхэм къыдгурагъаІуэ нобэ къэхъукъащІэхэмкІэ Библием ит къэхъун хуей псалъэхэр гъэзэщІа зэрыхъур. А статьяхэм теухуауэ ди зы къуэшым мыпхуэдэу итхащ: «Иджыпсту хъыбарыфІыр дгъэІун щхьэкІэ, ахэр дызыхуэныкъуэ Іэмэпсымэщ».

Ауэ сайтым ит информацием щІэх-щІэхыурэ зехъуэж. НтІэ, дызыхуей статьяр сайтым и напэкІуэцІ нэхъыщхьэм имытыжу щытмэ, дауэ ар къызэрыдгъуэт хъунур?

• jw.org сайтым и напэкІуэцІ нэхъыщхьэм ищхьэ дыдэм ит статьям ижьырабгъумкІэ кІэщІэтхауэ «Нэхъыбэ еплъын» жыхуиІэ ссылкэр итщ. (Мобильнэ ІэмэпсымэкІэ сайтым фыщихьэм деж, «Къыхэхахэр» жыхуиІэ Іыхьэм зи гугъу ищІ статьяхэм иужь а ссылкэр къэфлъэгъунущ.) А ссылкэм «Куэд мыщІэу напэкІуэцІ нэхъыщхьэм ита статьяхэр» жыхуиІэ напэкІуэцІым урегъэхьэ. Иужьрей зэманым напэкІуэцІ нэхъыщхьэм ита статьяхэр абы къыщыбгъуэтыфынущ.

• jw.org сайтым е JW Library^® приложением «Библиотекэ» вкладкэм, иужькІэ «Статья гупхэр» жыхуиІэм, иужькІэ «ЗэмылІэужьыгъуэхэр» жыхуиІэм фихьэ. НапэкІуэцІ нэхъыщхьэм ита статьяхэм щыщ и нэхъыбэр а вкладкэм къыщывгъуэтыфынущ.