Bampangi na beto mingi ke sadilaka masolo ya ke tubila kulonga nsangu ya mbote ya kele na lutiti ya luyantiku ya jw.org na kisalu ya kulonga nsangu ya mbote. Yo ke vandaka pete na kutindila bantu ya nkaka masolo yango na ba-apareyi na bo mpi mbala mingi masolo yango ke monisaka mutindu mambu ya ke salama na nsi-ntoto ke lungisa baprofesi ya Biblia. Mpangi mosi tubaka nde: “Masolo ya ke vandaka na Internet ke sadisaka beto mingi na kulonga nsangu ya mbote bubu yai.”

Kansi mbala mingi bo ke sobaka masolo yina, yo yina nki mutindu nge lenda zwa masolo yina kele diaka ve na lutiti ya luyantiku ya Internet?

• Na JW Library^®, kota na “Bibliothèque,” na nima kota na “Rubriques” mpi na “Masolo mpi Bavideo.” Nge ta mona mpi masolo mingi yina vandaka ntete na lutiti ya luyantiku.