Aarĩ na ariũ a Ithe witũ aingĩ nĩ mahũthagĩra icunjĩ iria igathĩrĩirio kĩambĩrĩria-inĩ kĩa jw.org ũtungata-inĩ. Nĩ ũkoragwo ũrĩ ũndũ mũhũthũ gũtũmĩra mũndũ icunjĩ icio kũgerera Intaneti, na kaingĩ nĩ itaaragĩria ũrĩa maũndũ marĩa marekĩka thĩinĩ wa thĩ marahingia ũrathi wa Bibilia. O ta ũrĩa mũrũ wa Ithe witũ ũmwe aandĩkire, icunjĩ icio ikoretwo irĩ “kĩndũ kĩrĩa tũrabatara ihinda-inĩ rĩrĩ nĩ ũndũ wa njĩra iria tũrahũthĩra cia kũhunjia.”

No icunjĩ icio cikaraga igĩcenjagio. Tũngĩhota atĩa kuona icunjĩ iria ciarĩ ho mbere no rĩu itironeka kĩambĩrĩria-inĩ kĩa website itũ?

• Kĩambĩrĩria-inĩ kĩa website ya jw.org/ki, hihinya linki ya “Rora Ingĩ” ĩrĩa ĩrĩ hakuhĩ harĩa igũrũ kana rungu rwa gĩcunjĩ kĩa “Iria Iragathĩrĩrio” angĩkorũo ũrahũthĩra thimũ. Linki ĩyo ĩgũgũtwara gĩcunjĩ-inĩ kĩrĩ na kĩongo “Icunjĩ Iria Ikoretwo Ikĩgathĩrĩrio Ica Ikuhĩ,” harĩa ũkuona icunjĩ nyingĩ iria ikoretwo ikĩgathĩrĩrio ica ikuhĩ.

• Thĩinĩ wa jw.org/ki kana thĩinĩ wa JW Library^®, thiĩ harĩ “Library,” ũcoke ũthiĩ “Kĩrũmanĩrĩrio gĩa Icunjĩ,” na ũthiĩ “Icunjĩ Ingĩ.” Wathiĩ hau nĩ ũkuona icunjĩ nyingĩ iria cianagathĩrĩrio kĩambĩrĩria-inĩ kĩa jw.org.