Biin-kweet bavul baan-balum ni baan-bakaj bakaakal mudimw ni biin bwaal bidyobw baleej mu jw.org mu mudimw a bukajaady, biin bwaal bidy ha diibij dya butambwiil. I biheehel bwa kwiibikaam ku Enternet, ni bidyaakal misang yivul byumvwiij mudy myand yiloolongek leeloow yend yikumbaj may ma buprofet mady mu Bibl. Teng mufundil mwiin-kweet mukwaabw mwaan-mulum neey: biin bwaal bidy ha diibij dya butambwiil, i “myand ya biin-biin yitukaakaam bwa kulengej mushind iitut a kudiil baat musah leeloow.”

Ki biin bwaal bidyaakal teng bishintuluk, nook i mushind kaay uwudy mwa kuhet biin bwaal bidy kabiy bimweek ha cyaab cya butambwiil cya mu jw. org?

• Ha diibij dya butambwiil dya mu jw.org, tut ha cyaab cya neey: “Tal myand yikwaabw yivul” tut ha kajil kady habwiih ni ku mut kwa diibij. Kajil aak kakukakangwiil diibij bafundoh neey: “Biin Bwaal bya Mafuk Mashaal ha diibij dya Butambwiil,” i cyaab ciwiiyiiy kuhet cikwaabw biin bwaal bivul bidyobw bahatul mafuk mashaal aam.

• Mu jw.org eecy mu JW Library^®, sungul “Library,” kuunyim “Kulondangan kwa biin bwaal,” ni ku bulekel bwa byoos “Biin Bwaal Bikwaabw.” Mu cyaab eecy mudy cikwaabw biin bwaal bivul bidyobw bateek ha diibij dya butambwiil.