Balikyethu bangyi bakakolesaya emyatsi eyikatherererawa eyikabya okwa peji ey’eritsukirako okwa jw.org omw’ithulira. Yolhobire erithumirayo abandu omwa nzira y’ekielektroniki, kandi mughulhu mungyi yikasoborera ebikabya lino nga bikaberereraya bithi amaminyereri we Biblia. Mughalha wethu mughuma mwahandika athi, emyatsi eyi “y’eyonyine-nyine eya thukayithagha omwa mulingo w’erithuliramu owa munabwire.”

Aliwe emyatsi eyi yikabya iyinemuhinduka, neryo wangabana wuthi eyithakiri okwa peji y’eritsukirako?

• Okwa peji y’eritsukirako, thulha okwa linki eya “Lebaya Ebindi” eyiri ahighulhu. Elinki eyi yikakyungulha epeji eyiriko omuthwe “Ebyabya Lino-lino Okwa Peji y’Eritsukirako,” aho wukendi bana bingyi by’okwa myatsi mingyi eyatherererawa lino-lino.

• Ghenda okwa jw.org kutse omwa JW Library^®, sombolha “Lebrale,” neryo thulha okwa “Emyatsi Eyikabera Eryasa,” n’erighunzerera “Eyindi Myatsi.” Ekitsweka eki kiri mw’emingyi y’okwa myatsi eyanabere okwa peji y’eritsukirako.