Bɔku pan wi brɔda ɛn sista dɛn de yuz di atikul dɛn we dɛn dɔn advatayz na di jw.org om pej. I izi fɔ sɛn dɛn atikul dɛn ya to pɔsin tru fon ɔ tablɛt, ɛn bɔku tɛm dɛn kin ɛksplen aw di tin dɛn we de apin na di wɔl de mek Baybul prɔfɛsi kam tru. Wan brɔda bin rayt se di atikul dɛn na di om pej na di “rayt tin we wi nid fɔ di we aw wi de prich naw.”

Bɔt dɛn kin chenj di atikul dɛn we dɛn de advatayz fast fast, so aw yu go fɛn atikul dɛn we nɔ de na di om pej igen?

• We yu go na di om pej na jw.org, klik di link na di pej we nem “See More.” Dis link go opin di pej we gɛt di taytul “Recently Featured on the Home Page,” usay yu go si bɔku pan di atikul dɛn we dɛn dɔn de advatayz dis biɛn tɛm.

• Na jw.org ɔ na JW Laybri, klik di say we nem “Library,” dɔn klik “Article Series,” ɛn klik “More Topics.” Dis sɛkshɔn gɛt bɔku pan di atikul dɛn we dɛn bin dɔn put na di om pej.