ເຄັດລັບການໃຊ້ເວັບໄຊ
ວິທີຊອກຫາເລື່ອງທີ່ໜ້າສົນໃຈໃນໜ້າຫຼັກ
ພີ່ນ້ອງຫຼາຍຄົນຮູ້ສຶກວ່າບົດຄວາມຕ່າງໆເຊິ່ງເປັນເລື່ອງທີ່ໜ້າສົນໃຈໃນໜ້າຫຼັກຂອງເວັບໄຊ jw.org ເປັນປະໂຫຍດຕໍ່ວຽກປະກາດຫຼາຍ. ເພາະບົດຄວາມໃນນີ້ສາມາດສົ່ງຕໍ່ທາງເອເລັກໂຕຣນິກໄດ້ງ່າຍ ແລະມັກຈະອະທິບາຍເຫດການໃນປັດຈຸບັນທີ່ເກີດຂຶ້ນແທ້ຕາມຄຳພະຍາກອນທີ່ຢູ່ໃນຄຳພີໄບເບິນ. ພີ່ນ້ອງຊາຍຄົນໜຶ່ງບອກວ່າ ບົດຄວາມໃນໜ້າຫຼັກຂອງເວັບໄຊ “ເໝາະກັບວິທີທີ່ເຮົາໃຊ້ໃນວຽກປະກາດໃນຕອນນີ້.”
ແຕ່ບົດຄວາມທີ່ຢູ່ໃນໜ້າຫຼັກມັກຈະປ່ຽນໄປເລື້ອຍໆຄັນຊັ້ນເຈົ້າຈະຊອກຫາບົດຄວາມທີ່ເຈົ້າຕ້ອງການໄດ້ແນວໃດຖ້າບໍ່ເຫັນບົດຄວາມນັ້ນໃນໜ້າຫຼັກແລ້ວ?
ໃນໜ້າຫຼັກຂອງເວັບໄຊ jw.org ໃຫ້ກົດໄປທີ່ສ່ວນ“ເບິ່ງເພີ່ມເຕີມ” ເຊິ່ງຢູ່ທາງລຸ່ມຂອງບົດຄວາມໃນໜ້າຫຼັກ ຫຼືຖ້າເຈົ້າໃຊ້ໂທລະສັບ ສ່ວນນີ້ກໍຈະຢູ່ທາງລຸ່ມຂອງ “ສິ່ງທີ່ນຳສະເໜີ” ເມື່ອກົດສ່ວນນັ້ນແລ້ວ ມັນກໍຈະພາໄປທີ່ “ເລື່ອງທີ່ໜ້າສົນໃຈເມື່ອໄວໆນີ້ໃນໜ້າຫຼັກ” ແລ້ວເຈົ້າກໍຈະເຫັນເລື່ອງທີ່ໜ້າສົນໃຈຫຼາຍເລື່ອງທີ່ເຄີຍເອົາລົງໃນໜ້າຫຼັກເມື່ອບໍ່ດົນມານີ້.
ໃນເວັບໄຊ jw.org ຫຼື JW Library® ໃຫ້ໄປທີ່ “ໜັງສືແລະສື່ຕ່າງໆ” ແລ້ວເລືອກ “ບົດຄວາມຊຸດ” ແລະເລືອກ “ເລື່ອງອື່ນໆ” (ພາສາໄທ) ສ່ວນນີ້ຈະມີບົດຄວາມຕ່າງໆທີ່ຫາກໍອອກມາໃນໜ້າຫຼັກເມື່ອບໍ່ດົນມານີ້.
