Batutu ne bakaka bavule bengidijanga bishinte bitūlwa pa paje umbajinji wa site ya jw.org, mu busapudi. Bino bishinte bipēlanga kutuma mu bingidilwa bya busenswe, kadi bishintululanga divule muswelo ufikidija bintu bilongeka dyalelo bupolofeto bwa mu Bible. Monka mwalembēle’byo tutu umo, bishinte bya pa paje umbajinji wa site yetu, “bikalanga enka byobya byotusakilwa kukwatañana na muswelo otwingila mwingilo wetu wa busapudi dyalelo.”

Inoko bishinte bitūlwa’po byobishintwanga kyaba ne kyaba, le i muswelo’ka obwanya kutana bishinte kebikimwekapo pa paje umbajinji?

• Shi udi pa paje umbajinji wa jw.org, finya pa kashinda kadi dya kūlu kwa paje kanena’mba “Tala Bikwabo.” Kano kashinda kasa kukupūtwila paje unena’mba “Bitūdilwe Panopano pa Paje Umbajinji,” pene pokatana bishinte bikwabo byatūdilwe’po panopano.

• Shi udi pa jw.org nansha mu JW Library^®, finya pa “Kibīko,” kupwa pa “Bishinte Palapala,” ku mfulo pa “Myanda Mikwabo.” Mu kano kakipindi mudi bishinte bivule ke bitūlwe pa paje umbajinji.