Mayele a mua kubuela mu JW.ORG
Keba biena-bualu bitu mu dibeji dia mbangilu
Bana betu ba bungi batu bayisha ne biena-bualu bitu mu dibeji dia mbangilu dia mu site wa jw.org. Mbipepele bua kubituminangana mu biamu, misangu ya bungi bitu biumvuija mudi malu adi enzeka lelu akumbaja mêyi a buprofete a mu Bible. Anu muvua muanetu mukuabu mufunde, biena-bualu abi “mbituvua tukengela menemene bua mushindu utukadi tukumbaja mudimu wetu wa kuyisha lelu.”
Kadi pa tshibidilu batu bashintulula biena-bualu abi, nanku mmunyi muudi mua kupeta bidi kabiyi bimueneka kabidi mu dibeji dia mbangilu adi?
Mu dibeji dia mbangilu dia mu site wa jw.org, tuaku pa kajila ka “Tangila bikuabu” pabuipi ne ku mutu kua dibeji adi. Kajila aku kadi kakukanguila dibeji didi ne tshiena-bualu tshia “Bivua mu dibeji dia mbangilu matuku adi panshi aa,” muwapeta biena-bualu bia bungi bivua mu dibeji dia mbangilu matuku adi panshi aa.
Mu jw.org anyi mu JW Library®, sungula “Tshitekelu tshia mikanda,” pashishe “Tshikebelu tshia biena-bualu,” ndekelu wa bionso “Biena-bualu bikuabu.” Tshitupa atshi tshidi ne biena-bualu bia bungi bivua mu dibeji dia mbangilu.