Haroro ḡaukara ai tadikaka taihu momo na jw.org home page ai e hedinaraimu atikol e ḡaukaralaidiamu. Unu atikol na elektronik amo ba siai haraḡa diba, bona unu atikol ai hari e varamu ḡaudia ese peroveta herevadia e haḡuḡurumu daladia e herevalai. Tadikaka ta na e gwa, home page ai e hedinaraimu atikol na “hari eda haroro ḡaukara ai ta ḡaukaralaimu heduru ḡaudia maorodia.”

To nega iboudiai home page ai atikol matamatadia e atomu dainai, gunadia be ede ba davaridia toma?

• Eda jw.org home page ai “See More” ena link ba klikia. Bena “Recently Featured on the Home Page” be hekehomu, unuseniai atikol gunadia bo itadiamu.

• Eda jw.org eiava JW Library^® ai, “Library” ba klikia, bena baola “Article Series,” bona “More Topics” ba klikia. Una kaha ai na home page ai e ato atikol momo bo itadiamu.