Saam-biis la saam-bi-pogs wʋsg tũnugda ne sõss nins sẽn be jw.org sɩtã pipi nengã zugã n moond koɛɛgã. Sõs-kãens liyẽ-rãmbã toolg yaa nana. Naoor wʋsgo, sõngda nebã tɩ b bãng yɛl nins sẽn maand rũndã-rũndã wã sẽn pidsd Biiblã bãngr-goam to-to. Saam-biig a ye yeelame tɩ sõss nins sẽn be d sɩtã pipi nengã zugã “kell n zems kɛpɩ ne bũmb nins d sẽn tar n moond koɛɛgã masã wã.”

B nong n toeemda sõssã sẽn pukd be wã. Woto wã, y maanda wãn n le paam sõss nins b sẽn ning pĩndã?

• Kẽ-y jw.org pʋgẽ, n kilik “D sẽn yiisi,” n kilik “Sõss toor-toore,” la y kilik “Sõss a taaba.” Beenẽ, y na n yãa sõss wʋsg b sẽn da ning sɩtã pipi nengã zugã.