Cingi ca vamuanetu na vandumbuetu nguavo, vimpande vi ve ku tsimanesa ha lifo lia vuputukilo lia mu saiti jw.org, vie ku va kuasa cikuma mu lihia. Via pua via viasi ku vi tuma ku muntu mu cifua electroniku, kaha vie ku muesa vati viuma vili na ku soloka matangua ano vili na ku puisamo vupolofeto vua mu Mbimbiliya. Umo muanetu ua sonekele ngueni vimpande via ha lifo lia vuputukilo “vikevio mpundu via tondeka mu ku ambulula ca matangua ano.”

Vunoni vimpande viaco vie ku kalaho kantsimbu lika, kuiko honi mu hasa ku uana vimpande via tunda laza ha lifo liaco?

• Nga muli ha lifo lia vuputukilo mu jw.org, niatenu ha “Tantekeyenu Vikuavo” ye ku soloka ha lifo liaco kuilu. Link ye ku sokolola lifo lili na mutue “Vi na Tsimanene Vuovuno ha Lifo lia Vuputukilo,” he ku kala vimpande vi na tsimanene vuovuno.

• Mu jw.org ni JW Library^®, hangulenu “Biblioteca,” kaha “Séries de artigos,” mu nima yaco niatenu ha “Vimpande Vikuavo.” Mutamba uaco ua kala na vimpande via vingi, via tsimanene laza ha lifo lia vuputukilo.