Bana babo rena le dikgaetšedi ba diriša dikgatišo tšeo di lego go jw.org/nso di ba thuša ge ba le bodireding. Go bonolo go di romela batho ba bangwe e bile di bontšha kamoo dilo tšeo di diregago gona bjale di bontšhago go phethagala ga boporofeta bja Beibele. Ngwanabo rena yo mongwe o ngwadile gore: “Dikgatišo tšeo re di hwetšago ge re bula wepesaete ya jw.org di kgona go re thuša ge re phetha bodiredi bja rena.”

Eupša dikgatišo tšeo di a fetolwa, ka gona o ka di hwetša bjang gape ge di se sa le gona go letlakala la mathomo?

• Ge o le go jw.org goba go JW Library^®, kgetha “Library,” ke moka o kgethe “Article Series,” ke moka o ye go “More Topics.” Karolo ye e na le dihlogo tše dintši tšeo di tšwelelago letlakaleng la mathomo la jw.org.