Rebetok er a rudam me a rudos er kid ousbech aike el suobel el le advertise er a home page er a jw.org sel lomerk er a klumech. Ngbeot a doldurokl loeak a electronics, e blechoel el mesaod er a rolel a tekoi el duubech er chelecha el taem oltaut a ulaoch er a Biblia. Ngdi ua lolekoi a ta el odam, aike el suobel el ngar er a home page er a jw.org a “sel kmal dousbech er ngii el kirel a rolel a domerk er a klumech er chelechang.”

Me nguaisei engdi te blechoel el change aika el suobel, me ngmekera sebechem el metik aike el suobel el mla mo diak el ngar er a home page? Ngar er a jw.org me a lechub e ng JW Library^®, e betir a “Library,” e bora “Article Series,” em sikii a “More Topics.” Ngsebechem el metik er cheungel tiang a betok er aike el suobel el mlara home page.