E kʼi qachalal kkikoj ri e kʼutunem che keya pa ri nabʼe página re ri qakʼolbʼal pa internet jw.org che utzijoxik ri utzij ri Dios. Rumal che kʼax ta kkibʼan che utaqik bʼi chke ri e winaq pa jun mensaje y are e kʼutunem che kchʼaw chrij ri tajin kabʼan che utzʼaqatisaxik ri profecías che kʼo pa ri Biblia. Jun qachalal xubʼij: «Ri e kʼutunem riʼ kojkitoʼ kimik rech kqatzijoj ri utzij ri Dios».

Rumal che ri e kʼutunem che keya pa ri nabʼe página amaqʼel kekʼexik, ¿jas kabʼan che uriqik jun kʼutunem rech kawil chi jun mul?

• Are chiʼ katok pa jw.org, chapitzʼaʼ jawiʼ kubʼij wi «Chawilaʼ chi nikʼaj», che kʼo chuxeʼ ri nabʼe wachbʼal. Pa ri celulares wajun tzij riʼ kriqitaj chuxeʼ ri kubʼij wi «Ri kqabʼij chawe che kasikʼij uwach». Are jun enlace che katukʼam bʼi wi jawiʼ kubʼij wi «Ri e kʼutunem che kʼateʼ xeya pa ri qakʼolbʼal re Internet». Chilaʼ kariq wi ri e kʼutunem che kʼateʼ xeʼesax loq.

• Pa jw.org chatok pa «Ri e wuj» tekʼuriʼ pa «Jupuq kʼutunem» y kʼisbʼal re, chatok pa «Nikʼaj chi kʼutunem». Y pa JW Library^® chatok pa «Biblioteca» tekʼuriʼ pa «Catálogo de artículos» y kʼisbʼal re, chatok pa «Nikʼaj chi kʼutunem». Chilaʼ kariq wi konojel ri e kʼutunem che xeya pa ri nabʼe página re jw.org.