Μπουτ πφραλά ντα πφενιά χρησιμοποιήνενα κο έργος ο θέματα σο ισί κι ανγκλαϊνί σελίδα κι ιστοτοπόσκι jw.org. Ανταλά ισί εύκολος τι μπουτσσάντιβεν ηλεκτρονικά, ντα μπουτ φαρ ντένα-αμέν τι αγαβάς σαρ οντουλά σο αβένα-πες κο ντουνιάς κερένα ο προφητείες ι Γραφιάκε τι νικιόν μπαγιά. Σαρ γραφιντάς εκ πφραλ, ο θέματα κι ανγκλαϊνί σελίδα ισί «ντιπ οντουβά σο χρειαζίντιβασα ι τροπόσκε σο κεράσα αμαρό έργος ακανά».

Αλλά αφού ανταλά θέματα αλλάνενα συνέχεια, σαρ μπορίνενα τι αρακχέν ο θέματα σο νανέ ακανά κι ανγκλαϊνί σελίδα;

• Κι ανγκλαϊνί σελίδα κο μπαλαμανό ιστότοπος jw.org, ισταβέν ο σύνδεσμος «Δείτε Περισσότερα» σο ισί κι νάκρη κι σελιδάκι. Ανταβά σύνδεσμος πουτρέλα ι σελίδα ι θεμάσαρ «Προτεινόμενα στην Αρχική Σελίδα​—Πρόσφατη Ύλη», σο κα αρακχέν γιαβερά-ντα θέματα σο σικάντιβενας κι ανγκλαϊνί σελίδα.

• Κο ιστότοπος jw.org ή κι εφαρμογή JW Library^®, τραμπίνεν «Βιβλιοθήκη», σοράν «Σειρές Άρθρων» ντα κο τέλος «Περισσότερα Θέματα». Ανταγιά ενότητα τθερέλα μπουτ θέματα σο σικάντιλε κι ανγκλαϊνί σελίδα.