Bazalwane labanyenti nabodzadze basebentisa tihloko letivela ekhasini lekucala ku jw.org nabashumayela. Kumelula kutitfumelela lomunye futsi tivame kuchaza kutsi tintfo letentekako ngaleso sikhatsi tisigcwalisa njani siphrofetho seliBhayibheli. Lomunye umzalwane wabhala watsi letihloko “tinguloko kanye lesikudzingako kulendlela yekushumayela lesiyisebentisako nyalo.”

Kodvwa letihloko tivame kushintjashintja, ngako ungatitfola njani leto letingasaveli kulelikhasi lekucala?

• Ekhasini lekucala ku jw.org/ss, chafata i-link letsi “Tfola Lokunyenti” lengetudlwana kwalelikhasi. Le-link itakufaka ekhasini lelitsi “Lokusandza Kufakwa Lokutfolakala Ekhasini Lekucala,” lawutawutfola khona tihloko letinyenti lebetivela ekhasini lekucala.

• Ku jw.org/ss nobe ku-JW Library, chafata “Luhla Lwetintfo Letitfolakalako,” bese uchafata “Luchungechunge Lwetihloko,” bese uchafata “Letinye Tihloko.” Lelikhasi linetihloko letinyenti letivele ekhasini lekucala le-website.