Wiká hermanos we kanili nawesia néeka echi artículos japi machínali japoná kulí chotasi echi página jw.org. Echi artículos we aʼlá ruyé japi suwaba echi namuti japi ikísimi jipi rawé, ikí japi riká anili echi profecías, ayénachó ke jilí ju japi ta julabo. Bilé hermano ko anili: “Jepuná artículos we aʼlá tamó iʼwiri japi riká ti noká nawesia jipi”.

Nalí echi artículos japi uchuwi kulí chotasia echi página jw.org, ke wilí rojorá. Jiti la, ¿kumi ta riwiboa bilé artículo japi ta checho ku inénali?

• Ami ma bakisáaká japoná kulí chotasi echi página jw.org, rachiná japoná aní “Che iné” japi mulipi chukú echoná rilé. Ami celularchi inéaká o tableta ma, we rilé chukú japoná suwéena echi sección “Japi we inéliwa”, echi mi rachinásaká ami bakimea echoná sección “Artículos japi buyali kulí chotasia echi página”. Echoná mi riwimea echi artículos japi kulí buyali.

• Echoná jw.org o JW Library^®, simí “Biblioteca” alí aa “Catálogo de Artículos”, alí miná ko “Jarecho temas”. Jenaʼí sección ami riwimea wiká artículos japi buyali kulí chotasia echi página.