Maro ty rahalahy naho ty rahavaventikagne mahatrea tie tena magnampe amy i fanompoagney ey, i lahatsoratse rehafegne amy peje fandrambesagne amy jw.org ao rey. Mora ty mandefa aze amo o ndatio, sady mateteke i lahatsoratse rey ro magnazava tie magnatanterake ty faminania ty Baiboly i raha miseho amy izao rey. Nanoratse ze rahalahy raike zay tie “tena ilaentika amy i fanompoagney ey i lahatsoratse miboake amy i peje fandrambesagne ao rey.”

Faie miovaova avao i lahatsoratse amy peje fandrambesagne ao rey. Akore areke ty hahatreava’o ze lahatsoratse fa tsy hita ao sasa?

• Gineho ty tohy tihoe “Hijery Misimisy Kokoa” amy i peje fandrambesagne amy jw.org aoy. Ambanembane eo kede avao ty misy aze. Naho fa ginehe’o o tohy iohoe, le hahatrea loha hevetse hoe izao rehe: “Teo Amin’ny Pejy Fandraisana Tato ho Ato.” Hotrea’o ao iaby ze lahatsoratse niboake vaho tsy ela tamy peje fandrambesagne ao.

• Gineho tihoe “Zavatra Misy” amy jw.org ao ndra amy JW Library^® ao. Ie naho fa avy eo le gineho tihoe “Andian-dahatsoratra” le afara izay, gineho tihoe “Foto-kevitra Hafa.” Hotrea’o amo o fizaràgne iohoe ao ze lahatsoratse niboake tamy peje fandrambesagne ao.