Nagagamit ng mga kapatid sa ministeryo ang mga artikulong na-feature sa home page ng jw.org. Madali kasi itong ipadala. At madalas, ipinapaliwanag nito kung paano tinutupad ng mga pangyayari ngayon ang mga hula sa Bibliya. Isinulat ng isang kapatid tungkol sa mga artikulong nasa home page: “Ito talaga ang kailangan natin para sa paraan ng pangangaral natin sa ngayon.”

Pero laging pinapalitan ang mga artikulong nasa home page. Kaya paano mo hahanapin ang na-feature na mga artikulo?

• Sa home page ng jw.org, i-click ang “Tingnan ang Iba Pa” na nasa bandang itaas ng page, o kung gadyet ang gamit mo, nasa ibaba ito ng seksiyong “Tampok.” Bubuksan ng link na ito ang page na “Mga Na-feature sa Home Page,” kung saan makikita ang mga nakaraang artikulo na inilagay sa home page.

• Sa jw.org o sa JW Library^®, i-click ang “Library.” Pagkatapos, piliin ang “Mga Serye ng Artikulo,” at puntahan ang “Iba Pang Paksa.” Sa seksiyong ito, makikita mo ang maraming artikulong na-feature sa home page.