Bunji bwabakwesu abacizyi balazibelesya zibalo izibikkwa apeeji yamatalikilo awebbusaiti ya jw.org mumulimo wakukambauka. Tazikatazyi kutumina muntu kubelesya fooni naa tabbuleti, alimwi kanji-kanji zilapandulula zintu izicitika mazuba aano mbozizuzikizya businsimi bwamu Bbaibbele. Mukwesu umwi wakalemba kuti zibalo eezyi “nzezintu nzyotuyandika kapati kweelana anzila nzyotubelesya kucita mulimo wesu mazuba aano.”

Pele kanji-kanji zibalo eezyi zilacinca, aboobo ino inga mwazijana buti zibalo eezyo zitacilibonyi apeeji yamatalikilo?

• Apeeji yamatalikilo a jw.org, amutyanke akaliinki kalembedwe kuti “Makani Aayungizyidwe” ikali atala-tala apeeji, naa aansi aazibalo izili mucibeela cakuti “Iziliko” kuti kamubelesya fooni. Kaliinki aaka kalajalula peeji iilembedwe kuti “Zintu Zyakabikkwa Caino-ino Apeeji Yamatalikilo,” alo mpomukonzya kujana zibalo zinji izyakali apeeji yamatalikilo.

• A jw.org, amutyanke aalembedwe kuti “Laibbulali,” mpoonya “Zibalo,” mpoonya amutyanke aalembedwe kuti “Twaambo Tumwi.” A JW Library^®_, amutyanke aalembedwe kuti “Library,” mpoonya “Article Series,” mpoonya amutyanke aalembedwe kuti “Twaambo Tumwi.” Cibeela eeci cilijisi azibalo zinji izyakali apeeji yamatalikilo awebbusaiti.