Planti bratasista bilong yumi i save yusim ol atikol em ol i bin edvetaisim long hom pes bilong jw.org long autim tok. Em isi long yu inap salim ol i go long ol narapela long rot bilong mobail fon na teblet samting, na ol dispela atikol i stori long ol samting i wok long kamap long nau we i truim ol tok profet bilong Baibel. Wanpela brata i tok, ol atikol long hom pes “ol i stret long wei bilong yumi long autim tok long nau.”

Tasol planti taim ol atikol i save senis, so olsem wanem yu inap painim ol atikol em ol i no stap moa long hom pes?

• Long hom pes bilong jw.org, klikim link “Lukim Sampela Moa” i stap klostu long dispela pes. Dispela link bai opim pes em nem bilong en “Kamap Pinis Long Hom Pes,” long hia bai yu lukim planti atikol em ol i bin edvetaisim i no longtaim i go pinis.

• Long jw.org, klikim “Laibreri,” bihain “Ol Atikol Siris,” na klikim “Sampela Moa Topik.” Dispela seksen i gat planti atikol em ol i bin putim long hom pes. Yu inap painim tu ol dispela atikol long JW Library^®.