Vamakwerhu vo tala va tirhisa tinhlokomhaka leti navetisiwaka eka tlukankulu ra jw.org loko va chumayela. Swa olova ku ti rhumela eka tifoni naswona mikarhi yo tala ti hlamusela ndlela leyi swiendlakalo swa sweswinyana swi hetisisaka vuprofeta bya Bibele. Makwerhu un’wana u tsale leswi hi tinhlokomhaka leti kumekaka eka tlukankulu, u te: “Hi tona leti hi ti lavaka eka maendlelo lawa hi ma tirhisaka sweswi ku chumayela.”

Kambe tinhlokomhaka leti ti tshamela ku cinciwa, kutani i yini leswi nga ku pfunaka ku kuma tinhlokomhaka leti nga ha humeleliki eka tlukankulu?

• Eka tlukankulu ra jw.org, tlika linki leyi nge “See More” hi le henhla ka tluka. Linki leyi yi ku yisa eka tluka leri nge “Leswa Ha Ku Hoxiwaka Eka Tlukankulu,” laha u nga ta kuma swo tala hi tinhlokomhaka leti ta ha ku navetisiwaka.

• Eka jw.org kumbe eka JW Layiburari, nghena eka “Layiburari,” ivi u ya eka “Swihloko Leswi Tlhandlamanaka,” ivi u tlika “Tinhlokomhaka Leti Engetelekeke.” Xiyenge lexi xi ni tinhlokomhaka to tala leti nga navetisiwa eka tlukankulu.