Vhunzhi ha vhahashu vha shumisa thero dzine dza bvelela kha siaṱari ḽa u thoma ḽa jw.org musi vhe vhuḓinḓani. Zwi a leluwa u dzi rumela u tshi shumisa zwishumiswa zwa elekitironiki nahone dzi ṱalutshedza uri zwiitea zwine zwa khou itea zwino zwi sumbedza hani uri vhuporofita vhu re Bivhilini vhu khou itea. Muṅwe wahashu o ita na u amba uri “dzenedzi thero dzi a ri thusa vhukuma, zwihuluhulu ro sedza nḓila ine ra huwelela ngayo zwino.”

Fhedzi dzenedzi thero dzi dzula dzi tshi tshintshiwa. Nga zwenezwo, ri nga wana hani thero dzine a dzi tsha bvelela kha ḽeneḽo siaṱari ḽa u thoma?

• Kha siaṱari ḽa u thoma ḽa jw.org, puṱedzani ḽinki ine ya ri “Vhalani Dziṅwe Thero.” Yeneyo ḽinki i ḓo ni isa kha “Zwe Zwa Vha Zwi Kha Siaṱari Ḽa U Thoma,” hune na ḓo wana dziṅwe thero dze dza vha dzi kha siaṱari ḽa u thoma ḽa jw.org.

• Kha jw.org kana kha JW Library^®, iyani kha “Ḽaiburari,” ni ye kha “Dzithero,” ni kone u ya kha “Dziṅwe Thero.” Hafha ndi hone hune na nga wana vhunzhi ha thero dze dza vhuya dza bvelela kha siaṱari ḽa u thoma ḽa jw.org.