Asinna antxipale annavarela muteko nyaha simphwanyeya epaaxina yoopatxera ya esaite jw.org nyaha iyo ti sookhweya, ni okhala wene sinuuluma sooweereya sa vaanano sinkwanihera iprofesia sa mBiblyani. Ntoko munna mmoha ohimmawe, owo enre: nyaha nimphwanyaahu epaaxina yoopatxera ya esaite ahu “ti seiyo sene nintthunaahu weera nivareke muteko woolaleera mahikwaano.”

Mene nyaha iya sa epaaxina yoopatxera ya esaite ahu sinnatxentxeya. Vano nnawere hayi ophwanya?

• Va epaaxina eyo yoopatxera, muttapunye valink “Moone soothesene”. Nto link owo onoohula epaaxina ekina eri ni muru oneera “Últimos artigos que estiveram em destaque”. Vawo munoophwanya itthu saaheliwe epaaxina yoopatxera ya esaite ahu.

• Va jw.org naari va JW Library^®, aakhala masu aneera “Ebiblioteka”, avinyaka “Séries de artigos” okhwipi waya “Outros assuntos”. Eparte ela sintxipale sirivovo nyaha saakumiherinwe epaaxina yoopatxera ya esaite ahu.