Damu nga kabugtoan an nagamit han mga artikulo nga ginpi-feature ha home page han jw.org ha ministeryo. Masayon ito ipasa pinaagi ha e-mail, messaging app, o puropariho hito, ngan agsob nga nagsasaysay ito kon paonan-o an mga panhitabo yana katumanan han mga tagna ha Biblia. Sugad han iginsurat han usa nga brother, an mga artikulo ha home page “amo gud an kinahanglan ta ha aton paagi han pagministeryo yana.”

Pero regular nga ginsasaliwnan an mga artikulo, salit paonan-o mo mabibilngan an mga artikulo nga waray na ha home page?

• Ha home page han jw.org, i-click an link nga “Kitaa an Iba Pa” hirani ha igbaw, o ha ubos han mga artikulo ha seksyon nga “Mga Topiko” kon celfon o tablet an imo ginagamit. Ini nga link mag-aabri han page nga “Bag-o Pa la nga Gin-feature ha Home Page,” diin makikita mo an mga artikulo nga bag-o pa la gin-feature.

• Ha jw.org, i-click an “Librarya,” sunod “Serye han mga Artikulo,” katapos “Iba Pa nga Topiko.” Ha JW Library^® naman, i-click an “Library,” sunod “Article Series,” katapos “Iba Pa nga Topiko.” Damu han mga artikulo nga gin-feature ha home page an aada hini nga seksyon.