Stale hermanu riquiiñeʼ ca artículo ni zeeda lu primé página stiʼ jw.org para guni predicarcaʼ. Cadi nagana para guseendacabe ca ni ra nuu ca contactu stícabe lu teléfono, ne rusiene ca ni ximodo cayaca cumplir ca profecía ni zeeda lu Biblia. Ti hermanu bicaa: «Biaʼsi peʼ ca artículo riʼ para modo runi predicarnu tiempu riʼ».

Cumu gatigá cadxaa ca artículo ni riree lu primé página ca, ¿xi zanda gúninu para guidxélanu ti artículo ni maʼ qué rihuinni racá yaʼ?

• Pa nuuluʼ lu primé página stiʼ jw.org, bidii clic ra ná «Biiyaʼ jma». Lu teléfono, zeeda frase riʼ xagueteʼ de ra ná «Galán gúʼyaluʼ ca ndiʼ». Ne ziné ni lii ra nuu «Ca artículo jma nacubi ni nuu lu primé yaza stiʼ sitiu stidu». Racá zadxélaluʼ ca artículo ni jma nacubi.

• Lu jw.org guyé ra ná «Libru ne revista» ne biyubi «Catálogo ra nuu stale tema» despué «Xcaadxi tema». Ne lu JW Library^® guyé ra ná «Biblioteca» ne biyubi «Catálogo de artículos» despué «Xcaadxi tema». Lu sección riʼ zadxélaluʼ stale artículo ni huaree ni primé página stiʼ jw.org.