I homa nu di nléba i JW Library^® ni i jw.org, a ñunda i mam ma ntip pam. Lelaa u nla gwélél nye kayéle u yi hiki yom i mpam?

• I ngéda ngim ño nkwel u ntip pam mu minkwel mi mbéna pam ni ño nkwel wada, u nene ha i homa nu le “Kii i ntip pam.” U gwé ndik le u hihe ha inyu yoñ i i ntip pam. W’a yimbe miño mi minkwel nwominsôna mi ma pam, béñge u u nlôôha ba i ngii, won u nsôk pam, u yé u bana date li nsôk tole ba nyis we le u bi pam nano a yé unu nsoñgi dilo.

• I ngéda kaat yon i mpam tole mbamble, u nla bé mal soñgol yo hilo hiada. Ha ngéda i, u nla ha yo i favoris i het w’a ba u tehe yo hiki ngéda u nyibil JW Library^®, hala a’ ti we pôla i añ yo mbeñel mbeñel letee u mal.

Ngim gwom kiki bo Minlegla mi tôbôtôbô, ni manwin ma mbéñge Mbôgi Yéhôva mi mpam ndigi i site yés jw.org, ndi mi mpam bé i JW Library. Jon soho u hôya bañ tagbe hiki ngéda i homa nunu le “Kii i ntip pam” inyu tehe mam ma ntip pam.