Yěn yih minë tufömngöre ātiköl hēk vitiō, el ngam JW Laëprërī töm jw.org anū-ö nö meūkö nö el ngam “Minë Tufömngöre.” Sitih inlahen öm min yěm hòṅ teūngen tö minë yamih ātiköl hēk vitiō öm el ngih seksön?

• Yěn katānö hēk pöplisnyu öp töhěng sirīs nup tufömngöre ātiköl ngam “Minë Tahëng Ātiköl” holröön re anū-ö nö pöplisnyu hēk katānö. Lökten min anū-ö nö meūkö nö el ngam “Minë Tufömngöre,” ngaich mihôiṅ öm download. Yěm hòṅ vīnyökūö u pöri, ngaich höng tip hēk klik “date,” më-eṅ, ngaich lātulöng kui e min öp tufömngöre ātiköl nö meūkö tö meh ngaich mihôiṅ öm vë-ekūö e.

• Lohten min öm ötkô keuheūtlöre ṙô öm haköp nup tökiröng mekesīn hēk nup līpöre öm hěnglöh ṙô. Ngaich mihôiṅ sin öm chaplen u el ngam “Favorites” hòṅ meh lööṙen min hēk öm chöhö u, öm ip tölngö chūök ṙô re sin öm vë-ekūö u. Ngaich yěm keuheūtlöre ṙô min tö u öm vë-ekūö u, ngaich mihôiṅ öm kēnyen u nö ṙa-ang el ngam “Favorites.”

Ōt min nup muh minkahtölōn, tö sā minë niūs hēk nup tahëng tö ahangnyu. Höng el ngam jw.org vepsāit anū-ö, hö-öv pöri anū-ö nö el ngam JW Laëprërī. Lökten öm hòṅ örheūheu ngëichken nup yamih tufömngöre ātiköl öm el ngam seksön ngam “Minë Tufömngöre” nö el ngam jw.org vepsāit.