“What’s New” ea di mm̀ JW Library^® nè boo jw.org ólò zogè gbò ãa kpá nè vídiò. Mósĩ́ deè ní eo é láá tú What’s New gbĩimá ãa kpá nè vídiò é?

• Bà ólò tú buù kà togó bel tẹlẹ bàlà kẽ tení dú ló gè tú nvee kè kẽè togó bel ea bọ́ló kọ á dì. Vó ólò naa kọọ̀ tṍó e gã́bug togó bel dọ bàlà kẽ kè kẽè “What’s New” òé gbóó láá naa dàànlóòd kà ń-ãa. Tṍóá, òé gbóó láá bugi ãa togó bel ea dí gbàn deè boo gbò togó belá.

• Nóo é láá bugi gbò kpá ea bọọ́ kpo dì belí màgàzíìn lọl tẽ̀ènè tóm. Òé láá tú màgàzíìn eo gáà bugi lọ̀l nvee kè kẽè Favorites kọbé ò valẹ̀ bá mòn, vaá tṍó eo é bugi lọ̀l ò tú lọl m.

Sìgà nu ea dì belí, ãa kpẹ̀a nè nègã́ ólò sila boo áá jw.org, vaá náa é di mm̀ JW Library. Kẽ̀èa boo gè olòó ẹ̀b kè kẽè “What’s New” kọbé ò mon ãa togó bel e bà ã́àa tẹlẹ.