Bya Kuba Pa Kufunda
Kwingijisha Bulongo Kipungu kya Kuba’mba “Byo Babikapo Katataka”
Kipungu kya kuba’mba “Byo Babikapo Katataka” mu JW Library® ne pa jw.org kimwesha bibaaba ne mavidyo a katataka. Mwakonsha kutaana byepi bintu bya katataka?
JW Library
Bibaaba bya katataka bebibika mu ndonda kwesakana na mitwe ya bintu byo bibena kwambapo. Onkao mambo, inge bibaaba bebibika pa kipungu kya kuba’mba “Byo Babikapo Katataka,” mwakonsha kwibikopolola pa kuba’mba mwikale na bibaaba bya katataka. Mwakonsha kutanga kibaaba kya katataka mambo kyo kikekala kitanshi pa bibaaba byo mwakopolola, kabiji bino bibaaba bitanchikwa kwesakana na moba o mwibikopolwejilemo.
Mabuku abaya, nabiji magazini, kechi mwakonsha kupwisha kwiatanga pa kimye kimo ne. Makonsha kumubika pa byo mwatemwa pa kuba’mba kimupelele kuyuka po mwapelela kutanga, kufikatu ne byo mukapwisha kumutanga. Apa bino inge mwapwisha kumutanga, mwamufumyapo.
JW.ORG
Bintu bimo nabiji masawakya ne bya kubijika, bebibikatu pa jw.org, kechi mu JW Library ne. Kimye kyonse, mutalengapo pa kipungu kya kuba’mba “Byo Babikapo Katataka” pa kuba’mba mumonenga bibaaba byo babikapo.